Нима кийишни билмаслик билан боғлиқ муаммо гардеробдаги либосларнинг йўқлиги эмас, уларни мослашни билмаслик сабаб кузатилади.
Базавий гардеробни ташкил қилишда энг биринчи бўлиб, рангларга эътибор бериш керак. Иложи борича ҳамма нарса билан мослаш мумкин бўлган рангдаги — қора, оқ, қаймоқ ранг ва кул ранг кийимларга эътибор қаратинг. Пойабзал эса оқ рангда бўлгани яхши. Сумкани эса қандай рангда бўлишининг фарқи йўқ. Аксессуарни ҳам дидингиздан келиб чиқиб танлашингиз мумкин, аммо ёрқин ва кўзга ташланадиган тақинчоқлар базавий либослар билан ўзига хос кўринади.
Жинси ва блузкалар ортиқча безак ва деталлардан ҳоли бўлгани яхши. Кийим-кечакларнинг кўплиги аёл ёки қиз уларни уйғунлаштира олиши мумкинлигини билдирмайди. Офис ёки ўқиш учун қандай кофта кийишни билмаётганлар қуйидаги суратлардан илҳомланиши мумкин.
Классик кофталарни қандай кийиш керак?
Аксарият ҳолларда бел қисмига урғу берилгани билан бугунги кунда классик бичимли кофталарнинг тўғри бичимлисини ҳам топиш мушкул эмас. Жиддий ва шу билан бирга башанг кийинишни яхши кўрувчилар учун мазкур блузкалар айни муддао.
Унга тўғри бичимли жинси ёки тиззадан тушиб турадиган плиссировкали юбка кийиш тавсия қилинади. Ёрқин тақинчоқ тақиб, сочлар жингалак қилинса, байрам образи тайёр бўлади.
Ўзига хос бичимли кофталар
Базавий кийимлар ҳамиша сипо кўрсатиши билан ажралиб туради. Қизиқарли ва ёрқин вариантлар эътиборингизни жалб қиладиган бўлса, ошириб юбормаслик ҳамда бачкана моделлардан қочиш тавсия қилинади.
Масалан, енг қисми кенг моделларни танлаб уни ўзининг рангидаги кенг бичимли шим ҳамда классик шортик, юбкалар билан уйғунлаштиринг.
Изоҳ (0)