Баҳор мавсумида кийиш тавсия этилмайдиган, урфдан қолган кийимлар (фото)

Баъзан нимани харид қилиш кераклиги ҳақида ўйлагандан кўра, қандай кийимларга эҳтиёж йўқлигини билиб қўйиш фойдалироқ бўлади. Ушбу баҳор-ёз мавсумида керак бўлмайдиган рўйхат билан танишиб чиқинг.

Албатта, чарм либос кийишда жуда эҳтиёт бўлиш керак. Чунки мазкур матога мос об-ҳаво доим ҳам бўлавермайди. Илиқ кунлар учун жуда иссиқ ва салқин ҳаво учун совуқлик қилиши мумкин. Шунинг учун илиқ мавсумда жинси шимлар кийиш тавсия этилади.

Ушбу бичимдаги жинси костюмлар йиллар давомида аёлларнинг севимли либосига айланган эди. Аммо дизайнерлар ҳозирча уларни қора рўйхатга киритган. Айни дамда бу каби костюмларнинг кенг ва бироз калтароқ кўринишдагилари урфда.

Бир куни мазкур бичимдаги шимлар яна модага қайтиши шубҳасиз. Аммо ҳозирги мавсум учун кенг ва клёш шимлар кийиш тавсия этилади. Қачонлардир урфда бўлган тор шимларни эса гардеробнинг энг тепасига жойлаштириш мумкин.

Катта ўлчамдаги футболкалар ҳам қанчалар қулай бўлмасин, аммо урфдан қолиб бормоқда. Уларнинг ўрнини яна аввалгидек оддий ўлчамдагилари эгаллади. Бу каби футболкалар эндиликда атрофдагиларнинг эътиборни дарров ўзига тортади.

Шунчаки сайр, пляж ёки офис бўлсин, тўқилган узун кардиган кийиш тавсия этилмайди. Балки, у қулай ва чиройли кўринар, аммо ёшга ҳам қоматга ҳам ортиқча рақамлар қўшиши табиий. Яхшиси, енгил пиджак, костюм ва бошқа замонавий устки кийимларга мурожаат қилиш мумкин.

Мода йиллар ўтиб қайтиб келишини инобатга олган ҳолда ўта катта ва шаклсиз сумкаларни ҳам бир четга олиб қўйиш тавсия этилади. Гарчи улар қулай бўлса ҳам. Дўконларда янги дизайндаги ихчам сумкаларга мурожаат қилиш вақти келди.

Дурли соч тўғноғичлари ҳам урфдан қолганига анча бўлди. Аммо тошли ва бошқа безаклиларидан аёл ва қизлар унумли фойдаланиб келмоқда. Ёзнинг иссиқ кунларида улар ёрдамида сочларни ажойиб турмаклаш мумкин.