Оқ кофта ўрнига энг мақбул танлов: Бантли кофтанинг турли вазиятга тўғри келадиган моделлари (фото)

Баҳор образларни янгилаш ва ёрқин кўриниш учун айни муддао. Бўйин қисмида бант бор моделлар эса аёлларни жозибали, шунингдек, башанг кўрсатади.

Латофатли ва шу билан бирга ўзига хос кўринишни истаганлар бантли кофтанинг оч пушти рангли вариантига эътибор қаратгани яхши.

Кундалик образлар учун эса кенг ёқа ва бантили блузкани жинси ва оқ пойабзал билан кийган маъқул.

Қора боғичли оқ кофта эса шим, қоматни чиройли кўрсатадиган сарафан билан чиройли туради.

Енглари резинкали тўқ рангли моделлар билан бирга эса чармдан тикилган юбка ва пошнали туфли кийиш тавсия қилинади.

Ҳаммадан ажралиб туришни истайдиганлар бантли кофтанинг кенг бичилганларига эътибор қаратгани яхши.

Майда гул принтлари туширилган яшил кофта эса оддий бичимли шимлар билан мослаш учун айни муддао.

Ноодатий кўринишга эга бўлишни севувчиларга эса енг қисми кенг блузка билан эркин турадиган жинси кийиш маслаҳат берилади.

Тадбир ва алоҳида учрашувларга гул принти туширилган қора кофта билан плиссировкали юбка, учли туфли кийиб, кўнгилдагидек образга эга бўлиш мумкин.

Енги калта майда хол-хол принт туширилган блузка билан эса жинси шорти кийиш, образни шляпа ва шиппак билан тугаллаш мумкин.