Judith Leiber «Юлдузлар жанги» фильмидаги робот кўринишида тошлар билан қопланган сумка тақдим қилди

Judith Leiber Couture бренди «Юлдузлар жанги» фильмидаги R2-D2 дроид (тўқима робот қаҳрамон) кўринишидаги мини-сумкалар моделини ишлаб чиқарди.

Коллекция мухлислар нишонлайдиган 4 май «Юлдузлар жанги» куни учун махсус ишлаб чиқилган. Сумкалар икки хил вариантда: R2-D2 сингари оқ-кўк ва тилла рангда тақдим қилинган. Ҳар бири тошлар билан қопланган дроиднинг биттаси учун 9000 дона кристалл кетган, тилларанг модель эса 24 қирот олтин билан қопланган.

Бренднинг креатив директори Яна Мэтисон, R2-D2 қаҳрамонини ҳамиша яхши кўргани, коллекциядаги сумкалар R2-D2 сингари муайян вақтга хос эмаслиги, серҳашам ва ўзига мафтун қилишини таъкидлаган.

4 майда сотувга чиқиши кутилаётган 5495 долларлик сумкаларни Judith Leiber’нинг сайтидан харид қилиш мумкин дейилади, хабарда.