Чет тили ўқитувчиларининг 90 фоизи инглиз тилига ихтисослашган бўлиб, шарқ тиллари (хитой, корейс, турк, араб, форс) пойтахтдан бошқа ҳудудларда деярли ўқитилмайди. Бу ҳақда Президент Шавкат Мирзиёев раислигида ўтказилган йиғилишда сўз юритилди, дея хабар бермоқда «Дарё» мухбири.
«Чет тилларини ўқитишда нодавлат таълим муассасалари ва Британия кенгаши, Гёте институти, Француз альянси, KOIKA, JAYKA, Конфуций институти каби хорижий шериклар билан ҳамкорликни янада кучайтириш зарур.
Мисол учун, чет тили ўқитувчиларининг 90 фоизи (46 минг нафар) инглиз тилига ихтисослашган бўлиб, шарқ тиллари (хитой, корейс, турк, араб, форс) пойтахтдан бошқа ҳудудларда деярли ўқитилмайди. Шу боис ташқи ишлар вазири ўринбосари Фарҳод Арзиев элчиларимиз билан бирга, ўзлари бириктирилган вилоятларда камида 2-3 тадан чет тилини ўргатиш марказини ташкил этишга ҳамда уларга ўзлари ишлаётган давлатлардан малакали ўқитувчи ва волонтёрларни жалб қилишга масъул бўладилар.
Арзиев икки ой муддатда Бирлашган Миллатлар Ташкилоти бўлинмалари билан бирга, Жаҳон иқтисодиёти ва дипломатия университетида турли соҳа мутахассисларига Чет тилларини чуқур ўргатиш марказини ташкил этади. Бу бизда бир пайтлар бор эди, тажрибамиз ҳам етарли. Аммо кейинчалик йўқ бўлиб кетди. Энди замонавий марказ фаолиятини йўлга қўямиз», – деди давлат раҳбари.
Мавзуга доир:
- Шавкат Мирзиёев: «Таълим муассасалари битирувчилари камида 2 та чет тилини мукаммал билиши шарт»
- «Таълим тизимида 2 мингдан ортиқ чет тили ўқитувчилари лавозими вакант бўлиб қолмоқда» — Шавкат Мирзиёев
- «Чет тиллари бўйича юқори кўрсаткичларга эришган мактаблар учун Президент соврини таъсис этилади» — Шавкат Мирзиёев
- «2022 йилдан ишга қабул қилинаётган чет тили ўқитувчиларидан миллий ва халқаро сертификатга эга бўлиш талаб қилинади» — Шавкат Мирзиёев
Изоҳ (0)