Уйингиз ҳамиша тартибли бўлиши ва фарзандингиз озодаликка риоя этиш учун ҳозирдан нималарга эътибор бериш кераклигини ўргатиш керак.
Уйингизда ҳамиша оқ сирка бўлсин
Мазкур суюқлик уй бекаларининг тозалаш ишларида қўл келиши мумкин. Агар уни ичимлик содаси билан аралаштирилса, матодаги доғларни кетказса бўлади. Бундай аралашма билан болалар қўлига чизиб олган фломастер, ручка доғларини ҳам артиш ёки музлаткични тозалаш ва ойналарни ювиш учун ишлатиш мумкин.
Кийим-кечакларни ювишдан аввал яхшилаб текширинг
Кир ювиш машинасининг ичига турли буюмлар тиқилиб қолишининг олдини олиш учун кирларни унинг ичига солишдан аввал яхшилаб текширинг. Ранги чиқмаслиги учун эса бир хил рангдаги кийимларни баробар ювинг. Свитер ва трикотаж матодан тикилган либосларни эса кийимларни сиқадиган режимни ёқмасдан ювинг. Кейин сочиққа ёйиб, рулон шаклида ўранг. Сочиқ сувни шимиб олганидан кейин кийимни илиб қўйишингиз мумкин.
Меҳмон келганда нима қилиш керак?
Уйингизга келган меҳмон тунаб қолмоқчи бўлса ва бунинг учун алоҳида хона бўлмаса, йиғиб-очиладиган диван ёки кресло ҳамда янги чойшаблар тайёр туришига эътибор қаратинг. Бир марта ишлатиладиган янги тиш чўткалари бор бўлса, яна яхши.
Кийимларни дазмол қилишни унутманг
Болангиз ғижим кийим билан ўқишга бориши, ўзингиз ҳам шу аҳволда юришингиз атрофдагиларда яхши тасаввур қолдирмаслиги аниқ. Фарзандингизга кийимларни дазмол қилиб юриш, ёқаси қаттиқ туриши учун крахмалдан фойдаланиш кераклигига ўргатинг. Ювишдан аввал кийимларни рангига қараб ажратиш ва ёрлиқларни ўқиш кераклиги, шунга қараб қанча ҳароратда ювиш ва дазмол қилишни билгани яхши.
Уйдан яхши ифор келишига эътибор қаратинг
Уйдан хушбўй ҳидлар келиб туриши учун замонавий воситалардан ташқари қуритилган ўтлардан ҳам фойдалансангиз бўлади. Бунинг учун ифорли ўтларни қоп ичига солиш кифоя. Сочиқ, чойшаб, кийим ва пойабзаллардан яхши ифор таралиши учун эса чойнинг қоғоз пакетларидан фойдаланинг. Ичини лаванда билан тўлдириб, ёпишиши учун дазмол босинг. Матодан тикилган қопчага солиб хонага осиб қўйинг.
Тиш ювиш пастаси фақатгина тишларни тозалаш учун эмас
Ушбу восита ёрдамида девор ва полдаги доғларни тозалаш мумкин. Қолаверса, кумуш тақинчоқларни тозалашда ҳам яхши самара беради. Аммо бунинг учун ювишда фойдаланадигандан бошқа паста ишлатиш тавсия қилинади.
Ювиш ўрнига пилесос қилинг
Дарпардаларни тозалаш учун уларни ҳар гал ечишнинг ҳожати йўқ. Бунинг учун пилесосдан фойдалансангиз ҳам бўлади. Бунинг учун пилесос чўткасига капрон пайпоқ кийдиринг
Лампаларни чангдан тозалаб туринг
Чанг босган лампа уйни яхши ёритмайди. Айнан шу сабаб ҳам қандиллар, стол лампаларини ўчиқ ва совуқ ҳолида қуруқ латта билан артинг.
Изоҳ (0)