Колизейда 2023 йилгача янги саҳна қурилиши режалаштирилмоқда

Италия компанияларидан бири Рим Колизейининг ичида янги саҳна қуриш бўйича ўтказилган тендерда ғолиб чиқди. Эндиликда томошабинлар қачонлардир гладиаторлар жанглари ўтказилган аренанинг марказига тушиши мумкин бўлади, деб ёзмоқда The Guardian.

Саҳнаннинг пол қисми ҳаракатланувчи бўлиши режалаштирилган, унинг остига люклар ва яширин лифтлар жойлаштирилади. Мобил қурилиш тизими сабабли қуйида жойлашган ерости иншоотлари ёмғирдан ҳимояланади. Уларни шамоллатиш, зарурат туғилганда, саҳнани кўчириш имконияти бўлади.

Қурилиш учун тендерда тузилмалар дизайни ва архитектураси билан шуғулланувчи Milan Ingegneria компанияси ғолиб бўлди. Қурилиш лойиҳасининг бюджети 18,5 миллион еврони ташкил этади. Лойиҳа икки йил ичида қуриб битирилиши керак.

Италия маданият вазири Дарио Франческини бундай саҳнанинг 1800 йилларгача ҳам мавжуд бўлгани, лекин кейинчалик у Колизейнинг ер остида олиб борилган археологик қазиш ишлари сабабли олиб ташланганини айтди.

«2023 йилда биз Колизейни яна муҳташам саҳнаси билан кўрамиз», — деб таъкидлади у.

2014 йилда археолог Даниэль Манакордной Колизейни қайта тиклаш ташаббуси билан чиқди, Франческини эса бу фикрни дарҳол қўллаб-қувватлади. 2020 йил коронавирус пандемиясининг бошланишида Колизей сайёҳлар учун ёпилди. 2021 йилнинг 26 апрель куни эса унинг фаолияти қайта тикланди. Пандемия бошлангунча амфитеатр уч минг кишини ичига сиғдира олган бўлса, ҳозир унга атиги 14 кишидан иборат сайёҳлар гуруҳи ташриф буюриши мумкин, улар орасида 15 дақиқалик танаффус бўлиши талаб этилади.

Аввалроқ Римда Цезарь ўлдирилган жой сайёҳлар учун янги қадамжога айланиши ҳақида хабар берилди. Маълумотларга кўра, ушбу сайёҳлик объекти 2022 йилда тақдим этилиши режалаштирилган.

Милоддан аввалги IV ва II асрларга тегишли бутхоналарнинг харобалари ва эрамиздан олдинги 45 йилнинг 15 март куни Цезарь ўлдирилган Помпей маъмурий бирлиги жойлашган Сакра майдони ҳозир ташландиқ жойга айланган. Ушбу харобалар 1920 йилда, ўрта асрларга тегишли барча бинолар Бенито Муссолинининг буйруғи билан вайрон қилинганидан кейин топилган. Унга яқинлашиш тақиқланиб, уни фақат ташқаридан кўриш мумкин эди. Тез орада бу жойни мушуклар бошпана қилиб олди. Ҳозир ҳайвонлар нодавлат пансионатлар ходимлари томонидан боқилади, стерилизация қилинади ва парваришланади.

Маълумот учун, Италия 2021 йилнинг ёз фаслида сайёҳлар учун очилиши мумкин.