Қирғиз-тожик чегарасидаги отишма 29 апрель куни соат 04:30 атрофида Боткен вилоятининг Кўктош қишлоғида бошланди. 30 апрелга ўтар кечаси эса Лайлак туманининг Максат, Достук, Арка, Интернационал қишлоқларида ўт очиш бошланди. Қишлоқ аҳолиси барча мол-мулкларини ташлаб, оловдан қочишга мажбур бўлди.
2 май куни Kloop журналистлари Максат қишлоғига бориб, ёниб кетган уйлар, дўконлар, ёқилғи қуйиш шохобчалари ва мактабларни шахсан кўздан кечирди.
Мавзуга доир: Қирғиз-тожик чегарасида маҳаллий тўқнашувлар юз бермоқда. Қирғизистон Тожикистонни провакацияларда айбламоқда
Баъзи уйлардан фақат мўрилар қолган. Баъзилари ўқ отиш ва ёнғинлардан камроқ шикастланган ва мол-мулкнинг бир қисми омон қолган. Одамлар аллақачон уйларига қайтишни бошлашган.
Мавзуга доир: Қирғизистон можародан кейин Тожикистон билан чегарадош қишлоқларда фавқулодда ҳолат режимини жорий қилди
Мавзуга доир: Қирғизистон ва Тожикистон чегарасидаги низо чоғида ҳалок бўлганлар сони 13 кишига етди
Фавқулодда вазиятлар вазирлигининг маълумотларига кўра, 3 май ҳолатига бўйича, қирғиз-тожик чегарасидаги қуролли тўқнашув натижасида биргина Лайлак туманида 48 та уй, битта чегара пости, 10 та ёқилғи қуйиш шохобчаси ва 8 та дўкон вайрон қилинган. Объектларга ва турар жой биноларига етказилган зарарни баҳолаш бўйича комиссия иш бошлаган.
Қирғизистон ва Тожикистон чегарасидаги низо 28 апрель куни маҳаллий аҳоли ўртасидаги жанжал билан бошланган эди. У эса тожикистонлик ҳарбийлар баҳсли ҳудудда жойлашган «Головной» сув тақсимлаш пункти яқинидаги электр устунига видеокузатув камераларини ўрнатганидан кейин келиб чиққан. Қирғизистон чегара хизматининг ахбороти бўйича 29 апрелда икки давлат ҳарбийлари ўртасида отишма содир бўлган.
Аввалроқ Қирғизистон ва Тожикистон ўз қўшинларини давлат чегарасидан олиб чиқиб кетишни якунлангани, шунингдек, низо чоғида гаровга олинган ўн нафар Қирғизистон фуқароси Тожикистонда асирликдан озод этилгани, низодан кейин 11 та жиноят иши қўзғатилгани хабар берилган эди.
Мавзуга доир:
Изоҳ (0)