Қироллик оиласининг болалари риоя қилиши керак бўлган ғайриоддий 12 та қоида

Британия қироллик оиласи янги меҳмон келишини кутаётган бўлса-да, туғилажак фарзанднинг ҳаётий қоидалари аллақачон белгилаб қўйилган..

Кўп исм ва ҳеч қандай тахаллус

Буюк Британиянинг қироллик оиласида ҳар бир янги туғилган чақалоққа уч ёки тўртта исм бериш одат тусига кирган. Улар собиқ монарх ёки яқин қариндошларнинг исми ҳам бўлиши мумкин. Шу билан бирга, уларга фамилиянинг умуман кераги йўқ. ХХ асрнинг бошларига қадар ҳам уларда фамилия бўлмаган. Ҳозирда эса фамилия болаларда фақат мактаб ёшига етгандагина керак бўлиши мумкин. Аммо тахаллуслар гарчи ёқимли ёки оилавий бўлмасин, жамоат олдида бу уларнинг мақомига тўғри келмайди.

Ҳеч қандай селфиларсиз

Ижтимоий тармоқларда шаҳзодалар ва маликаларга нафақат тахаллус қўйиш тақиқланган, балки уларга селфига сурат тушиш ҳам қатъиян ман этилган. Шунинг учун ҳар қандай инсон қироллик оила аъзоси билан учрашиб, селфига суратга тушишни истаётган бўлса, асло бунинг уддасидан чиқа олмайди.

Шахсий қўриқчисиз бир қадам ҳам босилмайди

Ушбу қоидани тушуниш жуда осон. Қироллик болалари ҳеч қандай ҳолатда ҳам катталар ва қўриқчилардан қутула олмайди. Улар яширинча бирор жойга бориши мумкин эмас. Эҳтимол, ўтиш даврида ҳар куни 24 соат давомида кузатув остида бўлган болалар учун бу бироз қийин бўлиши ҳамда ёқмаслиги ҳам мумкин.

Болаларнинг доимий дресс-коди

Масалан, малика Шарлоттани кўплаб кичкина қизлар сингари этаги кенг бўлган пушти ранг маликалар кўйлагида кўриб бўлмайди. Унга ҳамиша классик услубдаги либослар кийдирилади. Шунингдек, шаҳзода Жорж ҳам ҳар қандай об-ҳавода саккиз ёшига қадар қисқартирилган шим кийиши лозим. Катталарнинг сўзларига кўра, бу каби кийимлар болаларнинг ҳаракатланишига умуман тўсқинлик қилмайди. Бундан ташқари, қироллик чақалоқлари учун ҳеч қачон бир марталик тагликлар ҳам ишлатилмаган. Бу анъанани биринчи бўлиб малика Диана ўзгартирган.

Тож кийилмайди 

Энг қизиғи шундаки, малика Шарлотта рамзга кўра сочини турмаклатиш учун ўз никоҳ маросимини кутиши керак. Гап шундаки, қироллик оиласининг аёлларига фақатгина турмушга чиққан бўлсагина тож кийишга рухсат берилади. Турмушга чиқмаган қизлар эса бундай имтиёзга эга эмас.

Тушликни қиролича якунлайди

Бу ҳам қироллик саройининг қатъий урф-одатларидан бири бўлиб, агар қиролича санчқи ва пичоғини ташлаб қўйган бўлса, ҳеч ким овқатланишни давом эттиришга ҳақли эмас. Кичкина шаҳзода ва малика учун ушбу инжиқликлар тезда ўтиб кетмаса, уларнинг оч қолиши турган гап.

Совғанинг ёмони бўлмайди

Қироллик оиласи аъзолари нафақат Англияда, балки дунё бўйлаб таниқли одамлардир. Шунинг учун ҳам туғилган шаҳзода ва маликалар учун юзлаб совғалар юборилади. Уларнинг ҳар бири эса қувонч ва табассум билан қабул қилиниши керак. Болалар бундай хушмуомалаликни кичиклигиданоқ ўрганиши керак. Ҳаттоки совғалар умуман ёқимли бўлмаса ҳам.

Қанча кўп тилни билса, шунча яхши 

Келажакда ҳар бир шаҳзода ва малика дунё бўйлаб саёҳат қилиши ва турли мамлакатларда мезбонлар билан суҳбатлаша олиши керак. Қироллик оиласи мақоми шуни талаб этади. Кўпчилик эса ҳар қандай қитъада муомала қилиш учун инглиз тилининг ўзи кифоя, деб билиши мумкин. Аммо Жорж ва Шарлотта аллақачон испан тилини ўрганишни бошлаган.

Саёҳатга ёлғиз чиқилмайди

Қироллик болалари ота-онаси билан бирга саёҳатга чиқиши мумкин эмас. Ушбу қоида қадим замонлардан бери мавжуд бўлиб, тахтнинг икки меросхўри учун хавфли бўлиши мумкин. Шунинг учун ҳам биргаликда сафарга чиқиш тақиқланган ва шаҳзодалар 12 ёшга тўлганида ушбу қатъий тақиқ тўлиқ кучга киради. Ҳеч қандай ҳолатда тахт бўш қолмаслиги керак.

Этикет биринчи ўринда

Қироллик болаларига кўп тил ўрганиш талаби қўйилса-да, улар инглиз тилида тўлиқ, равон ва мукаммал даражада гапириши керак. Ҳаттоки болаларнинг нутқида камчилик ҳам бўлмаслиги зарур. Бу шунингдек, одоб-ахлоқ қоидаларига ҳам тегишли. Улар доим тик туриши ёки ўтириши керак, ҳеч қачон бақириши ёки инжиқлик қилиши мумкин эмас. Бундан ташқари югуриши, айланиши столга суянмаслиги ва бармоқларини оғзига солмаслиги зарур. Хуллас, чинакам шаҳзода ёки малика бўлиши учун каттагина сабр керак.

Сиёсий партияларга бетарафлик

Ижтимоий низоларга йўл қўймаслик учун қироллик оиласи аъзолари ҳар қандай сиёсий партияга нисбатан бетараф бўлиши ўта муҳим. Ўз вақтида шаҳзодаларга сиёсий ҳаёт асослари батафсил тушунтирилади. Аммо улар ҳеч қандай гуруҳлар сафига қўшилмайди.

«Монополия» ўйинига тақиқ

Ушбу махсус стол ўйини нима учун қироллик оиласи томонидан унчалик ҳам ёқтирилмаганлиги тушунарсиз. Аммо бу шундайлигича давом этмоқда. Кичкина шаҳзода ва маликалар ҳеч қачон дўстлари билан монополия ўйнамайди. Эҳтимол, уларнинг талабларга бой ҳаёти шундоғам қоидаларга етарли.