Бир йил аввал, 2020 йилнинг 1 май куни Ўзбекистон тарихидаги энг йирик техноген фалокатлардан бири — Сардоба сув омборининг тўғони ёрилиши юз берган эди. Оқибатда ўн минглаб одамлар эвакуация қилинган, минглаб сув остида қолган, қўшни Қозоғистоннинг жанубий туманларида ҳам тошқинлар келиб чиққан эди. Бугунга келиб вазият буткул (энг асосийси, яхши томонга) ўзгарган, бироқ фожиа юз берган кунни унутиб бўлмайди. Қуйидаги фотожамланма тошқин етказган талафот кўлами ва унинг оқибатларини бартараф этиш жараёнларини ёдга солади.
Тошқин сабаб Сирдарё вилоятининг Сардоба, Оқолтин ва Мирзаобод туманларида яшовчи 110 мингдан зиёд аҳоли зудлик билан хавфсиз жойларга эвакуация қилинган. Улар учун бутун Ўзбекистондан мадад ва мурувват карвонлари ташкил этилган.Фото: ЎзА
Ҳаво ҳужумидан мудофаа қўшинлари ва ҳарбий ҳаво кучларига қарашли вертолётлар ёрдамида 270 га яқин парвоз амалга оширилиб, 196 нафар инсон ҳаёти қутқариб қолинган.Фото: ЎзА
Бетон панелли уйнинг деворида қолган издан сув қанчалик баланд келгани ҳақида хулоса чиқариш мумкин. Тошқин вақти сув ер сатҳидан икки метр ва баъзи жойларда ундан ҳам баландга кўтарилган.Фото: ЎзА
Фото: ЎзА
Фото: ЎзА
Ҳодиса юз берган куннинг ўзида 128 та ёнғин ўчириш техникаси Сардоба, Оқолтин ва Мирзаобод туманларига етказилган — улар аввало аҳоли хонадонларидан сувни чиқариб ташлашда фаол хизмат қилган.Фото: ЎзА
Сув тошқини оқибатида 4,4 мингдан ортиқ хонадон талафот кўрган. Шундан 2390 та уй яроқсиз, 2045 таси эса таъмирталаб деб топилган.Фото: ЎзА
Сув тошқини республика аҳамиятидаги 13 та кўприкка, 52 километр узунликдаги йўлга зарар етказган.Фото: ЎзА
ИИВ маълумотларига кўра, тошқин оқибатида 5940 бош катта ва кичик шохли уй ҳайвонлари нобуд бўлган, 5160 бош ҳайвон омон қолган. 21 май ҳолатига кўра, омон қолган уй ҳайвонларининг 5154 таси ўз эгаларига қайтарилган.Фото: ЎзА
Тошқин оқибатларини бартараф этиш ишларига, маълумотларга кўра, Мудофаа вазирлигининг 12 мингдан зиёд ҳарбий хизматчиси ва 1000 дан ортиқ ҳарбий ва махсус техникаси жалб этилган.Фото: ЎзА
Фото: ЎзА
Таъмирталаб деб топилган 1830 та бетон панелли уйлар ва 50 та кўп қаватли уй-жой таъмирланди. Яроқсиз уйлар эса бузилиб, уларнинг эгаларига янги қурилган 86 та кўп қаватли «дом»лардан хонадонлар (жами 2640 та) берилди.Фото: ЎзА
Тошқинда зарар кўрган салкам 4,8 минг оилага 186,6 миллиард сўмлик моддий ёрдам маблағлари берилди. Шундан 4541 оилага 40 миллион сўмдан, 249 та оилага эса 20 миллион сўмдан пул пластик картага тушириб берилган.Фото: ЎзА
Фото: ЎзА
ФВВдан маълум қилишларича, тошқиндан сўнг 37 та ижтимоий соҳа объектлари — 10 та боғча, 16 та мактаб, 8 та тиббиёт муассасаси, 1 та коллеж биноси мукаммал таъмирланган ва капитал реконструкция қилинган, биттадан янги мактаб ва боғча, 72 та болалар спорт майдончаси ва воркаутлар қурилган.Фото: ЎзА
деб ҳисобланади. Бироқ воқеанинг дастлабки гувоҳлари сув, тахминан, 04:00 арафасида омбордан шаршарадек тошиб чиққанини таъкидлайди." data-action="zoom" class="border lazyload" />
Изоҳ (0)