Хоразм вилояти Гурлан туманидаги деҳқон бозорида ёнғин юзага келди. Бу ҳақда Хоразм ФВБ матбуот хизмати хабар берди.
Маълум қилинишича, 1 май куни соат 21:39 да Гурлан туман Мустақиллик кўчаси 4-уйда жойлашган «Гурлан деҳқон бозори» МЧЖ ҳудудида қурилган фуқаро Ж.О.га тегишли дўконнинг, тахминан, 35 квадрат метр майдонда том қисми ва дўконнинг ички қисми ҳамда фуқаро М.И.га тегишли дўконнинг 40 квадрат метр майдонда том қисми ва дўконнинг ички қисми ёниб зарарланган.
Ҳудуддаги бошқа дўконларнинг 500 квадрат метр қисмидаги майдони ёнғиндан сақлаб қолинган. Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва зарари экспертлар томонидан аниқланмоқда.
Аввалроқ Тошкентдаги собиқ «ТАПОиЧ» ҳудудида ёнғин юз бергани, Яккасарой туманидаги синтепон ишлаб чиқариш цехида ёнғин содир бўлгани, Сергелидаги полиэтилен маҳсулотларини ишлаб чиқарувчи корхонада йирик ёнғин юз бергани ҳақида хабар берилган эди.
Изоҳ (0)