2021 йил I чоракда электрон хизмат кўрсатувчи хорижий компаниялар Ўзбекистон давлат бюджетига 4,3 миллиард сўм солиқ тўлади. Бу ҳақда Давлат солиқ қўмитаси матбуот хизмати хабар берди.
Маълум қилинишича, 2021 йилнинг 1 апрелига қадар Ўзбекистонда 26 та хорижий компания қўшимча қиймат солиғи тўловчиси сифатида рўйхатдан ўтган.
Эълон қилинган маълумотларга кўра, 2020 йил давомида энг кўп солиқни Facebook ижтимоий тармоғи тўлаган (5,981 миллиард сўм) бўлса, энг камини «Яндекс» тўлаган — 136 миллион сўм. Шунингдек, йирик солиқ тўловчи хорижий компаниялар қаторидан Google, Apple, Netflix ҳам ўрин олган:
- Facebook — 5,981 миллиард сўм;
- Google — 3,453 миллиард сўм;
- Apple — 1,934 миллиард сўм;
- Netflix — 190 миллион сўм;
- BookingCom — 181 миллион сўм;
- «Яндекс» — 136 миллион сўм миқдорида солиқ тўлаган.
Изоҳ (0)