Вазирлар Маҳкамасининг қарори билан 2021 йил учун давлат мактабгача таълим ташкилотларида болалар таъминоти учун ота-оналар тўлови миқдорлари тасдиқланди, деб хабар беради Telegram’даги «Ҳуқуқий ахборот» канали.
Унга кўра, 1 майдан давлат мактабгача таълим муассаса (МТМ)ларида болалар таъминоти учун ота-оналар тўловининг янги — ўртача 15 фоизга оширилган миқдорлари жорий этилмоқда.
Тарифлар Тошкент шаҳри, вилоятлар марказлари, вилоят бўйсунувидаги шаҳарлар ва бошқа жойдаги МТМ учун табақалаштирилган ҳолда белгиланган. Болалар боғчаси учун энг юқори миқдорлар пойтахтда амал қилади.
Шунингдек, қарор лойиҳасида ота-оналар томонидан ҳар ойда болалар таъминоти учун тўланадиган ҳақ миқдори ўрнатилган тарифнинг 50 фоизи миқдорида белгиланадиган давлат мактабгача таълим муассасалари жойлашган ҳудудлар ҳам белгилаб берилмоқда.
Аввалроқ Мактабгача таълим вазирлиги «2021 йил учун давлат мактабгача таълим ташкилотларида болалар таъминоти учун ота-оналар тўлови миқдорларини тасдиқлаш тўғрисида»ги Вазирлар Маҳкамаси қарори лойиҳасини муҳокамага қўйган эди.
Изоҳ (0)