Тошкент шаҳар ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари — шаҳар Туризм ва спорт бош бошқармаси бошлиғи этиб Фахриддин Давруков тайинланди. Бу ҳақда пойтахт ҳокимлиги матбуот хизмати хабар берди.
Тайинловга қадар у 2018 йилнинг май ойидан буён Туризмни ривожлантириш давлат қўмитаси раиси ўринбосари бўлиб ишлаб келган. Фахриддин Давруков Президентнинг 9 апрелдаги қарори асосида ушбу лавозимидан озод этилганди. Вазирликнинг ўзи эса 2021 йилнинг апрелида Туризм ва спорт вазирлигига айлантирилган эди.
Фахриддин Давруков Тошкент молия институти (1997) ва Президент ҳузуридаги Давлат ва жамият бошқаруви академиясини (2003) битирган.
1995 йилдан 12 йил давомида Монополиядан чиқариш ва рақобатни ривожлантириш давлат қўмитасида, 2008 йилдан Вазирлар Маҳкамасида фаолият кўрсатган. 2015 йилдан «Ўзпахтасаноатэкспорт» холдинг компаниясида бошқарма бошлиғи бўлиб ишлаган.
Изоҳ (0)