Ўзбекистонда ёшлар бандлигини таъминлаш йўлида қандай чора-тадбирлар амалга оширилмоқда? Уларнинг бўш вақтини мазмунли ўтказиш учун қандай тадбирлар ташкил этилмоқда? Ижтимоий кўмакка муҳтож ёшларга қандай ёрдам кўрсатилмоқда? Ёшлар ишлари агентлиги матбуот хизмати билан ҳамкорликда тайёрланган қуйидаги материалда ушбу саволларга бир қадар жавоб топиш мумкин.
«Ёшлар дафтари»
Ёшлар билан ишлашдаги янгича тизим — «Ёшлар дафтари»ни йўлга қўйиш мақсадида Ёшлар ишлари агентлиги ҳамда масъул вазирлик ва идоралар билан биргаликда Ўзбекистон бўйича 8 714 та маҳаллада 18—30 ёш оралиғидаги 6 484 806 нафар ёшларнинг 5 451 442 нафари (84 фоизи) билан бирма-бир мулоқот ўтказилди. Мулоқотлар натижасида 672 970 нафар (ижтимоий ҳимояга, иқтисодий ва психологик қўллаб-қувватлашга муҳтож, ишсиз) ёшлар «Ёшлар дафтари»га киритилди.
«Ёшлар дафтари»га киритилганларнинг муаммолари таҳлил қилинганда, 293 956 нафари ишлаш, 108 367 нафари тадбиркорлик фаолиятини бошлаш, 75 113 нафари тадбиркорларга бириктириш, 75 850 нафари касб-ҳунарга ўқиш, 84 209 нафари ижтимоий, иқтисодий ва психологик ёрдамга муҳтож, 35 475 нафари «Устоз-шогирд» анъанаси доирасида уста-ҳунармандларга бириктириш истагини билдирган.
2021 йил 1 апрель кунига қадар, «Ёшлар дафтари»га киритилган 271 495 нафар ёшларнинг бандлиги таъминланди. Шундан:
- 69 626 нафар ёшлар доимий ва жамоат ишларига жойлаштирилди;
- 33 348 нафар ёшларнинг тадбиркорлик фаолияти учун 813,72 миллиард сўм кредитлар ажратилди ҳамда 32 520 та иш ўрни ташкил этилди;
- 163 176 нафар ёшларга 45 329 гектар ер майдонлари ажратилди;
- 5 345 нафар ёшларга субсидия ажратиш ва ташкилллаштирилган меҳнат миграцияси орқали бандлигига кўмаклашилди.
Беш муҳим ташаббус
Беш муҳим ташаббус доирасида 9 240 та мусиқа ва санъат, 67 981 та спорт инвентар ва жиҳозлари, 5 676 та компьютер жамланмалари, 473 727 та бадиий китоб таълим муассасалари, кутубхона ва ўқув марказларига етказиб берилди.
Шунингдек, 36 087 та тўгаракка 873 861 нафар ёшлар жалб этилди. Жумладан,
- маданият ва санъат йўналишида 8 651 та тўгараклар орқали 215 612 нафар,
- спорт йўналишида 12 282 та тўгараклар орқали 303 140 нафар,
- ИТ йўналишида 8 005 та тўгараклар орқали 166 382 нафар,
- китобхонлик йўналишида 7 149 та тўгараклар орқали 189 671 нафар ёшлар
Ижтимоий кўмак
Олий таълим муассасаларида тўлов-шартнома асосида таҳсил олаётган чин етим, ота-онаси ота-оналик ҳуқуқидан маҳрум этилган ва Меҳрибонлик уйида тарбияланган талабалар учун «Ёшлар таълим гранти» лойиҳаси доирасида 1570 та аризалар ичидан энг муносиб 208 нафар (38 нафари чин етим, 5 нафари ногирон, 11 нафари меҳрибонлик уйи битирувчилари, 154 нафар боқувчисини йўқотган) талабаларга 2020—2021-ўқув йили учун жами 520,83 миллион сўм миқдорда, стипендиясиз ҳисобланган шартнома маблағларининг 50 фоизгача қисми беғараз қоплаб берилди.Медиасаводхонлик
Ёшлар медиасаводхонлигини таъминлаш, уларнинг журналистикага бўлган қизиқишларини қондириш мақсадида Ўзбекистоннинг ҳар бир ҳудудида Ёшлар медиа марказлари ва Ёш журналистлар мактабларини очиш режалаштирилган бўлиб, уларнинг моддий техник базасини шакллантириш учун Ёшлар ишлари агентлиги ҳисобидан қарийб 2 миллиард сўм маблағ ажратилган.Бугунга қадар ушбу лойиҳа доирасида Тошкент, Наманган ва Самарқанд вилоятларида медиа марказлар ва ёш журналистлар мактаблари фаолияти йўлга қўйилди, уларда 1,2 мингдан зиёд ёшлар таълим олмоқда.
«Ёшлар дастурлари»
Ёшлар ишлари агентлиги томонидан 2021 йилда масъул вазирлик ва идоралар билан ҳамкорликда ёшлар билан ишлаш бўйича янгича тизимни жорий этишга қаратилган туман (шаҳар)лар кесимида «Ёшлар дастурлари» ижроси тизимли йўлга қўйилди. Дастурлар ижроси бўйича 2021 йил биринчи чорак учун аниқ режа кўрсаткичлари белгилаб олиниб, 8 131 та банддан иборат «Ёшлар дастурлари» тасдиқланди ва ижрога қаратилди.Ушбу дастурлар доирасида бугунги кунга қадар ёшларнинг бўш вақтини мазмунли ташкил этиш бўйича маданият, санъат, спорт, ахборот технологиялари ва китобхонлик бўйича алоҳида календарь-режалар асосида тадбир ва лойиҳалар ўтказилиши «маҳаллабай» йўлга қўйилди.
Бунда фаоллар зали мавжуд бўлган 5 141 та мактабда, фаоллар зали мавжуд бўлмаган 4 867 та мактабда, шунингдек, спорт зали мавжуд бўлган 7 700 та мактабда, спорт зали мавжуд бўлмаган 2 308 та мактабда алоҳида тадбир ва лойиҳалар ўтказилди ва ўтказилмоқда.
Шунингдек, мактабларнинг спорт ва фаоллар залларида ҳар куни соат 16:00 дан 22:00 гача тўгарак ва машғулотлар ўтказилиши йўлга қўйилиб, кунига ўртача 195 минг нафар ёшларнинг бўш вақти мазмунли ташкил этилмоқда.
«Юқорида қайд этилган ҳар битта вазифани ёшлар манфаатидан келиб чиқиб, мутасадди вазирлик ва идоралар, ҳокимликлар, сектор раҳбарлари билан ҳамкорликда тизимли ва сифатли амалга оширилиши таъминланади», — дейилади Ёшлар ишлари агентлиги ахборотида.
Изоҳ (0)