«Пахтакор» бош мураббийи Питер Ҳюистра Осиё Чемпионлар Лигаси 5-тури доирасида «Трактор»га қарши кечган учрашувдаги дурангдан (0:0) кейин ўз фикрлари билан ўртоқлашди.
Натижадан хафамиз. Футболчилар ғалаба учун охиригача курашишди. Вазиятлар яратишга уриндик. Имкон қадар гол уришга уриндик, аммо бу самара бермади. Рақиб дарвозабони ажойиб сейв намойиш этди. Энди сўнгги ўйинни ютишга ҳаракат қиламиз. Мавсум ҳали давом этади, хатолардан хулоса чиқарамиз.Шунингдек, «шерлар» дарвозабони Санжар Қувватов ҳам ўз фикрлари билан ўртоқлашди.Ўтган йили шаклланган жамоага эга эдик. Сафимизни 4-5 нафар етакчи футболчилар тарк этгани таъсир кўрсатди. Лекин ёшлар билан яна яхши даражага кўтарила оламиз. Иқтидорли ёшларимиз тажриба тўпламоқда. Уларнинг маҳорати ўсиб бормоқда. Биз бу қийинчиликни енгиб ўтишимиз керак, ушбу жамоани юқорироқ савияга олиб чиқишимиз зарур. Биз ўз фалсафамизга мос, ҳужумкор футбол ўйнаяпмиз. Лекин баъзи жиҳатлар борасида боғламни яхшилаш лозим. Ҳозир ҳам бир неча баҳсда ғалабага яқинроқ эдик.
Питер Ҳюистра, «Пахтакор» бош мураббийи
Ўйин қийин кечди, чунки йигитларда кетма-кет баҳслардан кейин чарчоқ сезилмоқда. Ютуққа эришиш учун ҳаракат қилдик, аммо рақиб посбони жуда ажойиб ўйнади. Ҳамкасбимни олқишлайман. Ушбу мусобақада бизга омад ҳам етишмади. Баъзи учрашувларда ғалабага ҳақли бўлгандик. Рақиблардан кўпроқ имкониятлар юзага келтирдик. Турнир мен учун ҳам, жамоа учун ҳам анча оғир бўлди. Энди сўнгги беллашувда зафар қучишни интиламиз. Мавсумнинг қолган қисмида ушбу хатолардан хулоса қилган ҳолда яхши ўйнашга уринамиз.«Пахтакор» 5-турдан кейин 4 очко тўплаган ҳолда гуруҳда 3-ўринни эгаллаб турибди. Тошкент клуби 6-тур доирасида 29 апрель куни Ироқнинг «Эйр Форс»ига қарши саф тортади.Санжар Қувватов, «Пахтакор» дарвозабони
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)