«Лейпциг» бош мураббийи Юлиан Нагелсманн ёзда «Бавария» устозига айланади.
Bild нашрининг хабар қилишича, 33 ёшли мутахассис «Бавария» таклифини қабул қилган.
Мюнхенликлар «Лейпциг»га 15 миллион евро миқдорида компенсация тўлайди. Агар мутахассис «Бавария» билан соврин ютадиган бўлса, у ҳолда «буқалар» қўшимча 5 миллион евро бонусга эга бўлади.
Таъкидланишича, Нагелсманнинг йиллик маоши 8 миллион еврони ташкил қилади ва у Мюнхен клуби билан узоқ йиллик шартнома имзолайди.
«Бавария» Нагелсманн билан келишувга эришилганини эълон қилишдан аввал Ҳанс-Дитер Флик билан шартнома бекор қилади. Аввалроқ мутахассис мавсум охирида жамоани тарк этишини эълон қилганди.
Нагелсманн «Лейпциг»га келгунга қадар «Ҳоффенҳайм»ни бошқариб борган. У аввалроқ Чемпионлар Лигаси плей-офф босқичида ғалаба қозонган ва ЕЧЛ ярим финалига чиққан энг ёш мураббийга айланганди. Шунингдек, 29 ёшли Нагелсманн қўл остидаги «Ҳоффенҳайм» ўз тарихида илк бор Чемпионлар Лигаси йўлланмасига эга бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)