Ўзбекистон Қаҳрамони, Олий Мажлис Сенати аъзоси Ҳасан Нормуродов вафот этди. Бу ҳақда «Xabar.uz» маълум қилди.
Ҳасан Нормуродов узоқ йиллар халқ таълими тизимида ишлаган. Кейинчалик «Нуроний» жамғармасининг Самарқанд вилояти бўлими раиси сифатида меҳнат фахрийларини ижтимоий ҳимоя қилиш ишларига катта ҳисса қўшган. Сўнгги кунларда Самарқанд вилояти Маҳалла ва оилани қўллаб-қувватлаш бошқармаси бошлиғининг ўринбосари вазифасида ишлаб келаётганди.
82 ёшли Ҳасан Нормуродов 2019 йилда Президент фармонига кўра «Ўзбекистон Қаҳрамони» унвони билан тақдирланган.
Республика шошилинч тиббий ёрдам илмий марказининг Самарқанд филиалида даволанаётган Ҳасан Нормуродовни яқинда Президент Шавкат Мирзиёев бориб кўрганди.
Изоҳ (0)