Ортиқча вазн саломатлик, хусусан, юрак-қон томир учун хавфли ҳисобланади. Турли касалликлар ёки кўриниш билан боғлиқ муаммоларни олдини олиш учун эса рациондаги маҳсулотларга эътиборли бўлиш керак.
Қаҳва
Қаҳва ёғларни эришига ҳисса қўшадиган кофеинни ўз ичига олади. Миллий биотехнология ахборот марказининг тадқиқотларида, кофеин метаболизмни 16 фоизга жадаллаштириши ва бу 1-2 соат давом этади. Спорт билан шуғулланиш билан бирга ҳафта давомида қаҳва ичиш сезиларли самара беради. Қизиғи шундаки, кофеин ёғ ҳужайраларини энергияга айлантириб, вазни у қадар ортиқ бўлмаган одамларга кўпроқ ижобий таъсир қилади, семиз одамларда эса бу жараён секинроқ бўлади. Вақт ўтиши билан тана кофеинга ўрганиб қолади, ундан қочишнинг энг яхши усули бир ҳафта ичида қаҳвадан воз кечиш. Ножўя таъсирини ҳам инкор қилиб бўлмагани учун қаҳвани меъёридан ортиқ истеъмол қилмаслик керак.
Оқсилга бой маҳсулотлар
Липолиз, яъни метаболизм жараёнини жадаллаштиришга ҳисса қўшадиган оқсилнинг рационда мўл бўлиши қоринни тўқ тутади, мушакларнинг мустаҳкам бўлишини таъминлайди. 1999 йилда вазн ортиши муаммоларини ўрганувчи International Journal of Obesity илмий журналида 60 та иштирокчи қатнашган тадқиқотда вазни ортиқ кишиларга оқсилли парҳез оқсилсизидан кўра яхши самара бериши аниқланган. Айнан шу сабаб ҳам рационда оқсил бўлишига эътибор қаратиш ёки нонуштага тухум истеъмол қолиш тавсия қилинади.
Кўк чой
Таркибида деярли калория бўлмаган, аммо организмдаги ёғни эритиш хусусиятига эга маҳсулотлардан яна бири кўк чой саналади. Кўк чой экстракти холестерин ва қон босимини меъёрга келтиради, катехинлар эса ёғ тўпланишининг олдини олади. Аслида кўк чой ёғларни эритмайди, унинг тўпланишига халал беради. Шу билан бирга, тери остидаги ёғ ҳужайралари миқдорини камайтиради.
Изоҳ (0)