«Реал» ПСЖ ҳужумчиси Килиан Мбаппени ҳам, «Боруссия Д» форварди Эрлинг Ҳоландни ҳам сотиб олишни режалаштирмоқда.
АS хабарига кўра, мадридликлар клуби Мбаппе билан ушбу ёзда шартнома имзоламоқчи, норвегиялик футболчини эса 2022 йилнинг ёзида қўлга киритмоқчи. Сабаби келаси йили Ҳоланднинг «Боруссия Д» билан шартномасида 75 миллион евролик товон пули ҳақидаги банд фаоллашади.
«Реал» дортмундликларнинг Чемпионлар Лигаси йўлланмасига эга чиқа олишига умид қилмоқда. Сабаби бунинг акси бўлган тақдирда Эрлинг жамоани тарк этишга жиддий аҳд қилган. Агар бу ҳолат кузатиладиган бўлса, у ҳолда «Реал» Мбаппе ёки Ҳоланддан бирини танлашига тўғри келади.
22 ёшли Мбаппе Лига 1 жорий мавсумида 28 та ўйин ўтказиб, 23 та гол ва еттита голли узатма муаллифига айланди.
20 ёшли Ҳоланд эса Бундеслигадаги 24 ўйинда 23 та гол ва бешта ассист амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)