Германия канцлери Ангела Меркель коронавирусга қарши AstraZeneca вакцинасининг биринчи дозаси билан эмланди. Бу ҳақда Германия вазирлар маҳкамасининг расмий вакили Штеффен Зайберт ўзининг Twitter саҳифасида хабар берди, деб ёзмоқда Tengrinews.
«Бугун AstraZeneca вакцинасининг биринчи дозаси билан эмланганимиздан хурсандмиз. Вакцинация компаниясида иштирок этаётган ва вирусга қарши эмланган барчага миннатдорчилик билдираман. Вакцинация — пандемияни бартараф этиш калити», — деб Меркелнинг сўзларидан иқтибос келтирди Вазирлар маҳкамаси вакили.
Kanzlerin #Merkel: „Ich freue mich, dass ich heute die Erstimpfung mit AstraZeneca bekommen habe. Ich danke allen, die sich in der Impfkampagne engagieren – und allen, die sich impfen lassen. Das Impfen ist der Schlüssel, um die Pandemie zu überwinden.“ pic.twitter.com/P4kMJYNrlc
— Steffen Seibert (@RegSprecherStS) April 16, 2021
Меркель 2005 йилнинг 22 ноябридан буён Германиянинг федерал канцлери сифатида фаолият юритиб келади.
Шунингдек, Европа комиссияси раиси Урсула фон дер Ляйен коронавирусга қарши вакцинанинг биринчи дозаси билан эмланди.
«Бугун коронавирусга қарши вакцинанинг биринчи дозасини олганимдан жуда хурсандман. Европа Иттифоқида вакцинация ва унинг таъминоти жадаллашмоқда. Евроиттифоққа вакцина етказиб бериш тезлашгани сабабли вакцинация даражаси ошиб бораверади», — деб ёзган у Twitter саҳифасида.
Аввалроқ Мамлакатдаги вакцинация ҳақида гапирар экан, Ангела Меркель жараён муваффақиятли кечаётганини ва «туннел охиридаги ёруғлик»ни кўраётганини таъкидлади.
Шунингдек, Меркель Евроиттифоқ давлатлари раҳбарлари билан ўтказилган учрашувдан кейинги баёнотида Европа Иттифоқи мамлакатлари яқин келажакда коронавирусга қарши эмланганлик тўғрисида рақамли сертификатлар яратишга келишиб олганини маълум қилди.
Изоҳ (0)