Футбол бўйича Европа Лигасининг 1/4 финал жавоб баҳсидан ўрин олган ўйинлар 15 апрель, пайшанба куни бўлиб ўтди.
«Манчестер Юнайтед» ўз майдонида «Гранада»ни қабул қилди. 6-дақиқадаги Эдинсон Каванининг голи ҳамда 90-дақиқадаги Хесус Вальехонинг автоголи эвазига Манчестер клуби ғалабани тантана қилди. Шу тариқа «қизил иблислар» ҳар иккала ўйинда ҳам ғалаба қозониб, 1/2 финалга йўл олди.
«Арсенал» «Славия» майдонига сафар қилиб, рақиб дарвозасига жавобсиз 4 та тўп киритди. Лондон клубининг голларига Николя Пепе, Александр Ляказетт (дубль) ва Букайо Сака муаллифлик қилди. «Арсенал» Европа Лигаси 2020/21 йилги мавсумида ярим финалга чиққан иккинчи инглиз жамоаси бўлди.
«Рома» Римда «Аякс» билан баҳс юритди. Беллашувда жамоалар 1:1 ҳисобидаги дурангга имзо чекди. Мезбонларнинг голига Эдин Жеко муаллифлик қилган бўлса, «Аякс» сафида Бриан Броббей ўз ҳисобига гол ёздириб қўйди. «Рома» мазкур ўйиндаги дурангга қарамай, икки ўйин натижасига кўра (3:2) кейинги босқич йўлланмасига эга чиқди.
«Вильярреал» ҳар иккала ўйинда «Динамо Загреб»дан устун келиб, мусобақанинг ярим финалига йўл олган тўртинчи жамоага айланди.
Ярим финал босқичида «Манчестер Юнайтед» «Рома» билан беллашса, «Арсенал» «Вильярреал»га қарши саф тортади.
Европа Лигаси
1/4 финал, жавоб баҳслари
15 апрель, пайшанба
«Манчестер Юнайтед» Англия – «Гранада» Испания 2:0
Голлар: 1:0 – 6 Кавани, 2:0 – 90, автогол Вальехо.«Манчестер Юнайтед: Де Хеа, Линдельоф, Уан-Биссака (Уильямс, 82), Туанзебе, Теллес, Фред, Погба (ван де Бек, 46), Бруну Фернандеш (Мата, 73), Матич, Кавани (Жеймс, 60), Гринвуд (Диалло, 82).
«Гранада»: Руй Сильва, Нева (Диас, 75), Фулке, Херман Санчес (Перес, 82), Вальехо, Кенеди (Пуэртас, 46), Эррера, Гоналон (Молина, 32), Монторо, Мачис, Сольдадо (Суарес, 46).
Огоҳлантиришлар: Погба (17), Сольдадо (19), Херман Санчес (61), Нева (74), Монторо (74).
Биринчи ўйин — 2:0.
«Славия» Чехия – «Арсенал» Англия 0:4
Голлар: 0:1 – 18 Пепе, 0:2 – 21, пенальти Ляказетт, 0:3 – 24 Сака, 0:4 – 77 Ляказетт.«Славия»: Коларж, Боржил (Дорли, 46), Зима, Голеш, Ба (Вишински, 46), Станчу (Лингр, 46), Шевчик, Провод, Громада (Масопуст, 46), Олайинка, Кухта (Тесл, 71).
«Арсенал»: Лено, Чемберс, Ҳолдинг, Мари, Себальос, Жака, Парти (Соареш, 79), Смит-Роу (эн-Ненни, 67), Сака (Мартинелли, 79), Пепе (Балогун, 88), Ляказетт (Нкетиа, 79).
Огоҳлантиришлар: Громада (20), Олайинка (63), Мартинелли (82).
Биринчи ўйин — 1:1.
«Вильярреал» Испания – «Динамо Загреб» Хорватия 2:1
Голлар: 1:0 – 36 Пако Алькасер, 2:0 – 43 Херард Морено, 2:1 – 74 Оршич.Биринчи ўйин — 1:0.
«Рома» Италия – «Аякс» Нидерландия 1:1
Голлар: 0:1 – 49 Броббей, 1:1 – 72 Жеко.Биринчи ўйин — 2:1.
Изоҳ (0)