Футбол бўйича Осиё Чемпионлар Лигаси гуруҳ босқичи 1-тури доирасида ОКМК 15 апрель, пайшанба куни «Ал-Ҳилол» билан баҳс юритди.
Учрашув тезкор гол билан бошланди. 11-дақиқада Зафар Полвонов дарвозабоннинг хатосидан фойдаланиб, ҳисобни очди. 27-дақиқага келиб эса Сардор Раҳмонов қанотдан оширилган тўпни ўз дарвозасига жойлаб қўйди. Орадан 10 дақиқа ўтар-ўтмас Лусиано Ветто мезбонларни ҳисобда олдинга олиб чиқди. Жамоалар шу ҳисобда танаффусга йўл олди.
Иккинчи 45 дақиқалик Миржалол Қосимов шогирдаларининг ҳужумлари билан бошланди. Ана шу ҳужумларнинг бирини Санжар Шоаҳмедов 70-дақиқада гол билан якунланди. Шундан сўнг дарвозаларга бошқа тўп киритилмади. Шу тариқа ОКМК ОЧЛдаги дебют ўйинида дуранг натижа қайд этди.
Иккинчи турда Олмалиқ клуби «Истиқлол» (Тожикистон) билан куч синашса, «Ал-Ҳилол» «Шабоб Ал-Аҳли»га (БАА) қарши майдонга чиқади.
ОЧЛ
Гуруҳ босқичи, 1-тур баҳси
«Ал-Ҳилол» — ОКМК 2:2
Голлар: 0:1 — 11 Полвонов, 1:1 — 27 Раҳмонов автогол, 2:1 — 37 Ветто, 2:2 — 70 Шоаҳмедов.«Ал Ҳилол»: 1.Абдуллоҳ ал Майюф, 2.Муҳаммад ал-Бурайк, 5.Али Хади ал-Булайҳи, 8.Абдуллоҳ Отайф, 10.Лусиано Ветто (26.Фаваз ал-Тераис, 63), 12.Ёсир аш-Шаҳрони, 18.Бафетимби Гомис, 19.Андре Карилё (16.Носир ал-Довсари, 75), 20.Жанг Ҳюн Су, 27.Хатан Бахбри (11.Солиҳ аш-Шаҳри, 75), 28.Муҳаммад Канно.
ОКМК: 35.Валижон Раҳимов, 77.Дилшод Аҳмадалиев (20.Мирғиёс Сулаймонов, 86), 8.Бобур Йўлдошев, 7.Сардор Раҳмонов, 2.Акром Комилов, 23.Ёван Жокич, 4.Миржамол Қосимов (22.Санжар Шоаҳмедов, 62), 17.Санжар Турсунов (5.Дилшод Жўраев, 86), 11.Мурод Тошматов (94.Элвин Forteс, 62), 9.Зафар Полвонов, 10.Ҳусниддин Ғофуров (28.Шоҳрух Гадоев, 41).
Изоҳ (0)