Тошкент шаҳар Олмазор туманида тилла тақинчоқларини ўғирлатгани ҳақида хабар берган аёлнинг ўзига жиноий иш очилди, дея хабар қилмоқда Тергов департаменти.
Маълум қилинишича, 2021 йилнинг 11 апрель куни соат 15:30 ларда икки нафар номаълум шахс Олмазор тумани Фаробий кўчасида яшовчи 23 ёшли М.Р. исмли аёлнинг уйига келиб, унга яқин кунларда турмуш ўртоғи ва фарзанди оғир касал бўлиб вафот этишини айтиб, ўзига тегишли барча тилла тақинчоқларини олиб чиқиб берса, уларни қутқариб қолишга ваъда бериб, М.Р.га тегишли жами нархи 35 840 000 сўмлик 10 хил турдаги тилла тақинчоқларини алдов йўли билан қўлга киритиб, ҳодиса жойидан яширинган.
Мазкур ҳолат юзасидан Олмазор тумани бўйича ИИО ФМБ ҳузуридаги тергов бўлими томонидан Жиноят кодексининг 168-моддаси 2-қисми «а, б» бандлари (фирибгарлик) билан жиноят иши қўзғатилган.
Олиб борилган тергов ҳаракатлари давомида ушбу жиноятни М.Р.нинг ўзи содир қилиб, келгусида сотиш мақсадида ушбу тилла тақинчоқларни яшаш хонадонининг ертўласига яшириб қўйганлиги, унга нисбатан ҳеч қандай фирибгарлик жинояти содир қилинмаганлиги аниқланган.
Жиноят иши доирасида М.Р. Жиноят кодексининг 169-моддаси 2-қисми «б» банди (ўғрилик) билан гумон қилинувчи тариқасида жалб қилинган ва унинг хатти-ҳаракатларига қонун доирасида ҳуқуқий баҳо берилиши таъминланади.
Ҳозирда тергов ҳаракатлари олиб борилмоқда.
Бундан аввал Наманганда 5-синф ўқувчисини унинг келинойиси нима сабабдан каналга итариб юборгани маълум қилингани, Андижондан олиб қочилган Spark Наманганда эҳтиёт қисмларига ажратилган ҳолда топилгани ҳамда Фарғонадаги Хизр бува зиёратгоҳига ташриф буюрганларнинг чўнтагидан пул ўғирлаган аёл ушлангани ҳақида хабар берилганди.
Изоҳ (0)