Фарғона вилоятининг Олтиариқ туманида ўлим билан боғлиқ йўл-транспорт ҳодисаси содир этилди. Бу ҳақда «Дарё»га вилоят ИИБ ахборот хизмати хабар берди.
Маълум қилинишича, 13 апрель куни фуқаро Р.Ш. бошқарувидаги Mercedes-Benz «Толкўча» маҳалласи ҳудудида кетаётиб, йўлнинг қатнов қисмини пиёда кесиб ўтаётган 10 ёшли А.Г.ни уриб юборган. Оқибатда А.Г. тан жароҳати олиб, шифохонада вафот этган.
Ҳолат юзасидан Олтиариқ туман ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Айни пайтда тергов ҳаракатлари давом этмоқда.
Аввалроқ Тошкентда Malibu ва Lacetti тўқнашуви оқибатида Озарбайжон фуқароси вафот этгани, Наманганда эса Spark ағдарилиб кетиши оқибатида бир киши вафот этгани хабар қилинганди.
Изоҳ (0)