Футбол бўйича Европа Чемпионлар Лигасининг 1/4 финал жавоб баҳсидан ўрин олган икки ўйин 13 апрель, сешанба куни бўлиб ўтди.
Мусобақанинг амалдаги ғолиби «Бавария» Парижда ПСЖ меҳмони бўлди. Учрашувда ҳисоб Эрик Шупо-Мотинг томонидан 40-дақиқада очилди. Ушбу ҳисоб ўйин якунига қадар сақланиб қолди.
ПСЖ мағлубиятга қарамай сафардаги голлар эвазига кўра ярим финал йўлланмасига эга чиқди. 1/2 финалда Маурисио Почеттино шогирдларига «Манчестер Сити» — «Боруссия Д» ўйинида ғалаба қозонган жамоа рақиблик қилади.
«Челси» ўз майдонида «Порту»ни қабул қилди. Учрашув 0:1 ҳисобида меҳмонларнинг ғалабаси билан якунланди. Аммо инглиз клуби ўтган ўйиндаги ғалаба эвазига кейинги босқич йўлланмасини ҳал этди. «Кўклар» ярим финалда «Реал» — «Ливерпуль» жуфтлиги ғолиби билан тўқнаш келади.
Чемпионлар Лигаси
1/4 финал, жавоб баҳслари
ПСЖ Франция — «Бавария» Германия 0:1
Гол: 0:1 — 40 Шупо-МотингПСЖ: Навас, Дагба, Диалло (Баккер, 58), Кимпембе, Паредес, Данилу Перейра, Гуйе, Дракслер (Кин, 73), ди Мария (Эррера, 88), Мбаппе, Неймар.
«Бавария»: Нойер, Боатенг, Люка Эрнандес, Павар, Алаба, Мюллер, Киммих, Коман, Сане, Шупо-Мотинг (Хави Мартинес, 85), Дэвис (Мусиала, 71).
Огоҳлантиришлар: Алаба (52), Дагба (55), Мюллер (68), Эррера (90).
Биринчи ўйин — 3:2
«Челси» Англия – «Порту» Португалия 0:1
Гол: 0:1 – 90+4 Тареми.«Челси»: Менди, Чилуэлл, Рюдигер, Тиаго Сильва, Жеймс, Пулишич, Жоржиньо, Ҳаверц (Жиру, 90), Канте, Маунт (Зиёш, 86), Аспиликуэта.
«Порту»: Марчесин, Пепе, Мбемба, Сануси, Манафа (Нану, 75), Отавио, Сержиу Оливейра (Фабиу Виейра, 84), Марега (Эванилсон, 75), Урибе, Корона (Диас, 75), Груйич (Тареми, 63).
Огоҳлантиришлар: Сержиу Оливейра (46), Корона (74), Пепе (82), Диас (88), Тареми (90).
Биринчи ўйин — 2:0.
Изоҳ (0)