«Ювентус» клуби собиқ бош мураббийи Массимилиано Аллегри туринликлар ҳужумчиси Криштиану Роналдунинг Туриндаги фаолиятидан норози бўлгани маълум бўлди.
La Repubblica нашрининг хабар қилишича, мутахассис жамоани тарк этиши олдидан «Ювентус» президенти Андреа Анелли билан бўлган сўнгги суҳбат чоғида шундай деган: «Роналдуни йўқотинг, у жамоа ва клуб ривожига халал бермоқда».
Португалиялик футболчининг «Ювентус» билан амалдаги шартномаси 2022 йилга қадар мўлжалланган.
Аввалроқ Роналду 2021 йилнинг ёзида «Ювентус»ни тарк этиш борасида ўйлаётгани, клуб ҳам уни қўйиб юборишга қарши эмаслигини хабар қилинганди.
Айрим ОАВ хабарига кўра, «Ювентус» Аллегрини ортга қайтариш вариантини кўриб чиқмоқда.
2020/21 йилги мавсумда футболчи А Сериянинг 27 учрашувида 25 та гол ва 3 та голли узатмага муаллифлик қилди.
Мавзуга доир:
- Криштиану Роналду 36 ёшда. Португалиялик юлдуз янгилайдиган яна қандай рекордлар бор?
- Харобадан чиққан миллионерлар. Камбағал оилада вояга етган таниқли футболчилар
- «Теп, сен мендан яхшироқсан». Криштиану Роналду ҳақида қизиқарли фактлар
- Криштиану Роналдунинг ҳашаматли саройлари, қимматбаҳо машиналари, шахсий самолёт ва бизнес империяси ҳақида
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)