Осиё Чемпионлар Лигаси 1-тури доирасида бўлиб ўтадиган «Пахтакор» — «Трактор» беллашувидан аввал матбуот анжумани ўтказилди. Унда тошкентликлар бош мураббийи Питер Ҳюистра ва жамоа сардори Егор Кримец иштирок этди.
Келаси икки ҳафта жуда тиғиз бўлади ва барчага омад тилайман. Жамоаларни 15 кунда ўйналадиган 6 учрашув кутмоқда. Бу ҳаяжонли бўлади. Биз чемпионатни бошлагандан кейин бу ерга келдик. Умид қиламанки, биз синовга тайёрмиз. «Трактор»га қарши ўйин билан мусобақани бошлаймиз. Эрон жамоалари ҳамиша қийин рақиб бўлган, улар майдонда кураш олиб боради. Техник ва тактик тарафдан яхши ўйин кўрсатади.Шунингдек, «шерлар» ҳимоячиси Егор Кримец ҳам ўз фикрларини билдирди.Таркибимизда ўзгаришлар бўлган. Академия тарбияланувчилари ҳам ўзини кўрсатиши мумкин. Бундай синовларга доим тайёр бўлиш керак. Ёш иқтидорлар тажрибали футболчилар билан киришиб кетишига ишонаман. Биринчи ўйин қандай ҳолатда эканимизни билиб олишга ёрдам беради. Ўйинларни бу сафар ҳам ўзгача вазиятда ўтказамиз. Карантин, алоҳида яшаш, Рамазон — буларнинг барчаси вазиятни ўзгача қилади.
Тўрт, беш ва олтинчи турда ҳаммага қийин бўлса керак. Биз руҳий, тактик ва жисмоний жиҳатдан ҳолатга тайёр бўлишимиз керак. Бу қандай бўлишини кузатиш жуда қизиқ. Жамоадаги барча синовга тайёр, охиригача курашишга шай ҳолатда.
Питер Ҳюистра, «Пахтакор» бош мураббийи
«Чемпионлар Лигасининг янги бошланаётган мавсуми билан барчани табриклайман. Рақибимизни жиддий ўргандик, беллашувга яхши тайёрландик. Ўзбекистонда мавсумни бошлашга улгурдик. Яхши ҳолатга кириб олдик деб ўйлайман ва мусобақани ғалаба билан бошлашга интиламиз», — дейди футболчи.
«Пахтакор» — «Трактор» учрашуви 14 апрель куни Тошкент вақти билан 20:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)