Тошкентда 3 та автомобиль иштирокида ЙТҲ содир бўлди, дея хабар бермоқда ЙҲХББ.
Маълум қилинишича, 9 апрель куни соат 10:00 ларда Тошкентнинг Яккасарой тумани Бобур кўчасида жойлашган туман ИИО ФМБ биноси рўпарасида ЙТҲ содир бўлган.
Ҳайдовчи Ф.М. (1998 йилда туғилган) бошқарувидаги Lacetti, Р.Ф. (1990 йилда туғилган) бошқарувидаги Damas ҳамда Д.А. (1978 йилда туғилган) бошқарувидаги Spark билан тўқнашган.
Ҳодиса натижасида тан жароҳати олганлар йўқ.
Мазкур ЙТҲ юзасидан Яккасарой тумани ИИО ФМБ ЙҲХБ ходимлари томонидан суриштирув ҳаракатлари олиб борилиб, тўқнашув содир бўлиш сабабларига ойдинлик киритилмоқда.
Бундан аввал Жиззахда юк машинаси ва 2 автомобиль иштирокидаги ЙТҲ оқибатда 1 киши вафот этгани, Яккасаройда 3 та автомобиль ва автобус иштирокида ЙТҲ содир бўлгани ҳамда Фарғонада Nexia зовурга тушиб кетиши оқибатида ҳайдовчи ҳалок бўлгани ҳақида хабар берилганди.
Изоҳ (0)