Toshkentda 3 ta avtomobil ishtirokida YTH sodir bo‘ldi, deya xabar bermoqda YHXBB.
Ma’lum qilinishicha, 9-aprel kuni soat 10:00 larda Toshkentning Yakkasaroy tumani Bobur ko‘chasida joylashgan tuman IIO FMB binosi ro‘parasida YTH sodir bo‘lgan.
Haydovchi F.M. (1998-yilda tug‘ilgan) boshqaruvidagi Lacetti, R.F. (1990-yilda tug‘ilgan) boshqaruvidagi Damas hamda D.A. (1978-yilda tug‘ilgan) boshqaruvidagi Spark bilan to‘qnashgan.
Hodisa natijasida tan jarohati olganlar yo‘q.
Mazkur YTH yuzasidan Yakkasaroy tumani IIO FMB YHXB xodimlari tomonidan surishtiruv harakatlari olib borilib, to‘qnashuv sodir bo‘lish sabablariga oydinlik kiritilmoqda.
Bundan avval Jizzaxda yuk mashinasi va 2 avtomobil ishtirokidagi YTH oqibatda 1 kishi vafot etgani, Yakkasaroyda 3 ta avtomobil va avtobus ishtirokida YTH sodir bo‘lgani hamda Farg‘onada Nexia zovurga tushib ketishi oqibatida haydovchi halok bo‘lgani haqida xabar berilgandi.
Izoh (0)