Самарқанд шаҳрида Hyundai Bongo ва Malibu иштирокида йўл-транспорт ҳодисаси содир бўлди. Бу ҳақда ЙҲХББ хабар берди.
Маълум қилинишича, 9 апрель куни соат 21:30 да Самарқанд вилояти Самарқанд шаҳар Ибн Сино ва Даҳбед кўчалари кесишган чорраҳада 1995 йилда туғилган ҳайдовчи А.Ж. бошқарувидаги Hyundai Bongo ҳамда 1994 йилда туғилган ҳайдовчи Ф.Х. бошқарувидаги Malibu иштирокида тўқнашув содир бўлган.
Тўқнашув оқибатида тан жароҳати олган фуқаролар йўқ.
Мазкур ЙТҲ юзасидан Самарқанд шаҳар ички ишлар органлари фаолиятини мувофиқлаштириш бўлими йўл ҳаракати хавфсизлиги бўлими ходимлари томонидан суриштирув ҳаракатлари олиб борилган. Тўқнашув содир бўлиш сабабларига ойдинлик киритилмоқда.
Бундан аввал Жиззахда юк машинаси ва 2 автомобиль иштирокидаги ЙТҲ оқибатда 1 киши вафот этгани, Сурхондарёда Cobalt ва Spark тўқнашуви оқибатида 6 киши ҳалок бўлгани ҳамда Яккасаройда 3 та автомобиль ва автобус иштирокида ЙТҲ содир бўлгани ҳақида хабар берилганди.
Изоҳ (0)