Фарғона шаҳрида товламачилик йўли билан фуқародан 2 минг АҚШ доллари талаб қилган аёллар қўлга олинди, дея хабар бермоқда Тергов департаменти.
Қайд этилишича, 2021 йилнинг 6 апрель куни 47 ёшли И.А. (аёл) Фарғона шаҳри бўйича ИИО ФМБ бошлиғи номига ариза билан мурожаат қилган.
Аризада 30 ёшли Г.У. (аёл) келинойиси 27 ёшли Ш.У. билан биргаликда И.А.нинг жияни 37 ёшли А.К.нинг ҳаракатлари учун ариза билан мурожаат қилиб, ушбу аризани қайтариб олишлари эвазига 2 000 АҚШ доллар беришини талаб қилиб, пулларни бермаса, жиноий жавобгар қилдириш билан қўрқитаётганини ва уларга нисбатан қонуний чора кўришни сўраган.
Маълум қилинишича, 6 апрель куни Г.У. ва Ш.У. И.А.дан товламачилик йўли билан 2 000 АҚШ доллар пул маблағларини олаётганларида ушланган.
Мазкур ҳолат юзасидан Фарғона шаҳри бўйича ИИО ФМБ ҳузуридаги Тергов бўлими томонидан Г.У. ва Ш.У.га нисбатан Жиноят кодексининг 165-моддаси 2-қисми «в» банди (товламачилик) билан жиноят иши қўзғатилиб, гумон қилинувчи тариқасида жалб қилинган.
Тергов давомида юқорида келтирилган А.К.нинг ҳаракатлари (Г.У. ва Ш.У. келтирилган важлар) юзасидан терговга қадар текширув ҳаракатлари олиб борилмоқда.
Жиноят иши доирасида ушбу фуқароларнинг хатти-ҳаракатларига ҳуқуқий баҳо берилиши таъминланиши таъкидланган.
Бундан аввал Самарқандда 21 ёшли қизнинг шахсий суратларини тарқатиб юбормаслик эвазига 400 доллар сўраган институт ўқитувчиси ушлангани, наманганлик эркак билан Telegram’да ёлғондан ишқий муносабатга киришиб, сўнгра ушбу ёзишмаларни тарқатмаслик эвазига ундан 1000 доллар сўраган аёл қўлга олингани ҳамда бекободлик аёлнинг эски Telegram аккаунтидаги шахсий расмларини интернетда тарқатиб юбормаслик учун ундан 5 млн сўм сўраган 15 ёшли қиз ушлангани ҳақида хабар берилганди.
Изоҳ (0)