Наушникларни тозалашга мўлжалланган Cardlax EarBuds Washer номли қурилма тақдим этилди. У худди митти кир ювадиган машина кўринишида бўлиб, стол устига бемалол жойлашади, деб хабар беради Hi-Tech.Mail.ru.
Қурилма қопқоғи очилганида аввал айланадиган чўткага дуч келинади. Суратда у ён чап бурчакда жойлашган. Ундан қийин тозаланадиган жойлардаги кирларни йўқотишда фойдаланиш тавсия этилади.
Наушниклар чўтка билан тозалаб бўлингач, уларни айланувчи ядроли тозаловчи барабанга ўхшаш мосламага тушириш керак. У юмшоқ материалдан ишланган ва тозаловчи суюқлик билан шимилган. «Вкладиш»лар ушбу ядро ва барабан деворларига ишқаланиб, симсиз наушни қутидан энди олингандек янги ҳолатга келмагунича кирларни тозалайди.
Қурилманинг ички қисмини ечиб олиш ва сув билан ювиш мумкин. Ихтирочиларнинг маълум қилишича, тозалаш жараёни хавфсиз ва наушникларга шикаст етказмайди. Роликда Apple наушнигини тозалаш намойиш этилган бўлсағда, қурилма бошқа кўплаб брендлар билан ҳам ишлай олади, жумладан, Samsung билан ҳам.
Мазкур қурилмани Kickstarter орқали 33 долларга харид қилиш мумкин.
Изоҳ (0)