Naushniklarni tozalashga mo‘ljallangan Cardlax EarBuds Washer nomli qurilma taqdim etildi. U xuddi mitti kir yuvadigan mashina ko‘rinishida bo‘lib, stol ustiga bemalol joylashadi, deb xabar beradi Hi-Tech.Mail.ru.
Qurilma qopqog‘i ochilganida avval aylanadigan cho‘tkaga duch kelinadi. Suratda u yon chap burchakda joylashgan. Undan qiyin tozalanadigan joylardagi kirlarni yo‘qotishda foydalanish tavsiya etiladi.
Naushniklar cho‘tka bilan tozalab bo‘lingach, ularni aylanuvchi yadroli tozalovchi barabanga o‘xshash moslamaga tushirish kerak. U yumshoq materialdan ishlangan va tozalovchi suyuqlik bilan shimilgan. “Vkladish”lar ushbu yadro va baraban devorlariga ishqalanib, simsiz naushni qutidan endi olingandek yangi holatga kelmagunicha kirlarni tozalaydi.
Qurilmaning ichki qismini yechib olish va suv bilan yuvish mumkin. Ixtirochilarning ma’lum qilishicha, tozalash jarayoni xavfsiz va naushniklarga shikast yetkazmaydi. Rolikda Apple naushnigini tozalash namoyish etilgan bo‘lsaғda, qurilma boshqa ko‘plab brendlar bilan ham ishlay oladi, jumladan, Samsung bilan ham.
Mazkur qurilmani Kickstarter orqali 33 dollarga xarid qilish mumkin.
Izoh (0)