Кийиниш услуби одамни дидли ёки дидсиз, аслидан каттароқ ёки ёш кўринишига сабаб бўлиши, шунингдек, бошқаларда турли тасаввур уйғотиши мумкин.
Мактаб вақтидан буён кийиниш услубининг ўзгармаслиги
Йиллар ўтиб замон ўзгарса ҳамки, кийиниш услубинг ўзгармаслиги, биринчидан, зерикарли. Иккинчидан, эскича қилиб кўрсатади. Бу нафақат кийиниш услуби, балки соч турмаги ва макияжга ҳам таалуқли.
Бачкана кўринаман деб ўйлаб, аксессуар тақмаслик
Ёшликдаги экспериментлардан келиб чиқиб, ошириб юбораман деб аксессуар тақмасликни афзал билишингиз мумкин. Ортиқча, мос бўлмаган тақинчоқ билан образ хунук кўриниши тўғри, аммо бу умуман воз кечиш кераклигини билдирмайди. Яхшиси биттада учтадан ортиқ тақинчоқ тақмасликка ҳаракат қилинг ва кийим ранги ҳамда бичимидан келиб чиқиб танлов қилинг.
Бир образда иккитадан ортиқ рангнинг бўлмаслиги
Ранг ва услуб борасида эксперимент қилишдан қўрқманг, ёрқинроқ шу билан бирга меъёрни билган ҳолда кийининг.
Кофта тугмаларини охиригача қадаш
Кунлар иссиқ, эркин бўлган жойга ёқанинг тугмаларини қадаб бориш тавсия қилинмайди. Ёқа тугмаларини очиб, бўйнингизда рўмол билан безак беринг.
Сумка ва пойабзалнинг бир рангда бўлиши
Бундай тенденция аллақачон ўтмишда қолиб кетди. Ранглар бир-бирига мос бўлиши шарт эмас.
Фақат классик кийим-кечак харид қилиш
Нафақат ранглар, балки услубларни ҳам умумлаштириб кўринг. Янгиликдан, қизиқарли деталлар қўшишдан чўчиманг.
Спортзалга кроссовка, кўйлак билан пошнали туфли кийиш
Кўйлак билан спорт услубидаги пойабзал кийиб бўлмайди деб янглишасиз. Шим ёки шортик билан пошнали туфли кийиш сингари юбка ва кўйлак билан кроссовка кийишнинг ҳам ёмон тарафи йўқ.
Ҳар доим кўйлакда, сочларни турмаклаб юриш
Унутманг, сиздаги аёллик ва қизлик нафосати ҳар доим ҳам кийимда акс этиши шарт эмас. Асосийси сиз ўзингизни ҳис қилишингиз ва қандай услубда кийинишни афзал билишингиз. Чарм куртка кийиб, қалин ботинка мослашни истаяпсизми кийинг, кроссовка ва футболкада юриш қулайми, буни ҳам инкор қилманг. Ўз хоҳишларингизга қарши бориб, қиз бола бўлганингиз учунгина ҳар доим этаклари пирпиракли кўйлак билан пушти пойабзалда юришга мажбур эмассиз.
Мавзуга доир:
Изоҳ (0)