Кунлар исигани сайин аёл киши гардеробидаги либос ва аксессуарларни ўзгартиришни истайди. Қулай ва чиройли кўринишга эга бўлган балеткалар эса образнинг кўнгилдагидек бўлишига ҳисса қўшади.
Таг қисми бироз баланд бўлган балетка танланг
Таг қисми жуда паст пойабзал нафақат тез яроқсиз бўлади, юриш ва қоматга ҳам таъсир қилмай қолмайди. Айнан шу сабаб ҳам ҳеч бўлмаганда 0,5 см баланд бўлган балеткаларни танлаш тавсия қилинади.
Пайпоқ ва колготка кийманг
Ҳаво ҳарорати иссиқ бўлганда балеткаларни колготка ва пайпоқ билан кийишга ҳожат йўқ. Ҳарорат совуқ ва колготка киймасликнинг иложи бўлмаганда эса, яхшиси, эътиборингизни лофер ва бошқа пойабзалларга қаратинг.
Спорт услубидаги бошқа кийимлар билан мосламанг
Бир образда бир неча услубни умумлаштириш урфда эканлигига қарамай, балетка билан бундай қилиш тавсия қилинмайди.
Учли вариантларга эътибор қаратинг
Олд қисми думалоқ ва учли вариантдан бирини танлашингиз керак бўлса, иккинчи вариантга эътибор қаратганингиз яхши. Учли балеткалар бўйни баланд, қоматни эса ихчам кўрсатади.
Аҳволига эътибор беринг
Пошнали туфлидаги кичкина қирилиш кўзга ташланмаслиги мумкин, аммо балеткада эмас. Бундай оёқ кийим моделидаги арзимаган камчилик ҳам эътибор тортиб, образни хунук кўрсатади.
Узун кийимлар билан кийманг
Товонга тушиб турадиган юбка, кўйлак ва шимларни пошнали туфли билан кийганингиз яхши. Учли балетканинг бироз пошнали варианти бўлса, кенг бичимли шим билан кийиш мумкин, аммо аксарият ҳолларда миди ва мини узунлик билан мослаган яхши.
Минимал услуб билан уйғунлаштиринг
Ортиқча эътибор тортмайдиган, сипо кийим-кечаклар билан балетка кийиш айни муддао. Замонавий трендларни эса турли деталларга бой оёқ кийимлар билан мослаганингиз яхши.
Аксессуар ва тақинчоқ тақишни унутманг
Катта, ноанъанавий узук, зирак, тақинчоқ ёки қалин камар тақиб, балетка кийиш образнинг ўзига хослигини таъминлайди.
Офисга мўлжалланган костюм билан балетка кийманг
Балетка билан иш кийими мос тушмайди. Офис образи учун, яхшиси, учли туфли, лофер ёки кроссовка кийинг, фақат балетка эмас.
Оқшом образлари учун пошнали туфли кийинг
Балетка қулай ва чиройли пойабзал экани рост, аммо бу унинг ҳамма кийим билан ҳам мос келаверишини билдирмайди. Масалан, оқшом тадбирлари ва зиёфатлар учун унинг ўрнига пошнали, ноодатийроқ пойабзал танланг. Расмий бўлмаган оқшом тадбирлари учун эса учли балеткалар мос тушади.
Изоҳ (0)