Бир неча сериалларда жуфтлик ролини ўйнаган турк актёрлари (фото)

Турк сериаллари гўзал севги ҳикоялари учун ҳам севиб томоша қилинади. Актёрлар самимий ҳис-туйғуларни шундай ўхшатиб тасвирлашадики, улар ўртасида ҳақиқий ришта мавжуддек гўё. Продюсерлар эса омадли чиққан бундай жуфтликларга кўпроқ эътибор қаратади ва кейинги лойиҳаларда ҳам худди шундай муваффақиятни такрорлашга ҳаракат қилади.

Дениз Байсал ва Чағлар Эртуғрул

«Фазилат хоним ва қизлари» 2017 йилнинг хит сериали бўлди. Бундай муваффақиятнинг сирларидан бири сериал чиройли ва унутилмас актёрлар таркибига эга эди. Асосий ролларни Дениз Байсал, Чағлар Эртуғрул ва Алп Наврўз ижро этган. Сериал қаҳрамонлари ўртасидаги севги учбурчаги энг кўп муҳокама қилинган мавзуга айланди. Сериал сўнгида эса гўзал Хазан (Дениз Байсал) Яғизни (Чағлар Эртуғрул) танлади.

Мухлислар Денис ва Чағларни бошқа фильмларда ҳам биргаликда кўришга астойдил умид қилишган, шекилли, 2021 йилда уларнинг актёрлик дуэтлари «Разведка» фильмида яна давом этадиган бўлди. Натижада мазкур жуфтлик яна бир бор лойиҳа муваффақиятини таъминлади.

Ҳалит Эргенч ва Нур Феттаҳўғлу

«Муҳташам юз йил» — Султон Сулаймон ҳукмронлиги ҳақида ҳикоя қилувчи Туркиянинг энг машҳур телесериалларидан бирига айланди. Сериалнинг энг ёрқин жуфтликларидан бири — султон Сулаймон (Ҳалит Эргенч) ва Моҳидаврон (Нур Феттаҳўғлу). Султон гўзал Моҳидавроннинг унга бўлган муҳаббатини рад этгани учун аксарият томошабинлар ҳали ҳам маликага ачинади.

2020 йилда ушбу юлдузли жуфтлик муҳаббат ҳикояси — «Вавилон» сериалида яна биргаликда роль ижро этди.

Жан Яман ва Озге Гурел

«Тўлин ой» — ҳозирги вақтдаги энг яхши романтик комедиялардан бири. Сериядаги асосий ролларни Жан Яман ва Озге Гурел ижро этган.

2020 йилда Жан ва Озге жуфтлиги янги «Жаноб Хато» фильми учун бош ролларга тасдиқланган эди. Афсуски, мазкур лойиҳада улар аввалги муваффақиятларига эриша олмади.

Энгин Акюрек ва Туба Буюкустун

«Гул ва пул» — бу аллақачон телевидение классикасига айланган турк сериали ҳисобланади. Келишган Энгин Акюрек ва гўзал Туба Буюкустуннинг актёрлик маҳорати туфайли ушбу сериал ноодатий ва унутилмас фильмга айланган.

Яқинда бу жуфтлик «Элчининг қизи» сериалида ҳам биргаликда роль ижро этди. Аммо шундай машҳур актёрлар ҳам сериални паст рейтингдан қутқариб қололмади.