Bir necha seriallarda juftlik rolini o‘ynagan turk aktyorlari (foto)

Turk seriallari go‘zal sevgi hikoyalari uchun ham sevib tomosha qilinadi. Aktyorlar samimiy his-tuyg‘ularni shunday o‘xshatib tasvirlashadiki, ular o‘rtasida haqiqiy rishta mavjuddek go‘yo. Prodyuserlar esa omadli chiqqan bunday juftliklarga ko‘proq e’tibor qaratadi va keyingi loyihalarda ham xuddi shunday muvaffaqiyatni takrorlashga harakat qiladi.

Deniz Baysal va Chag‘lar Ertug‘rul

“Fazilat xonim va qizlari” 2017-yilning xit seriali bo‘ldi. Bunday muvaffaqiyatning sirlaridan biri serial chiroyli va unutilmas aktyorlar tarkibiga ega edi. Asosiy rollarni Deniz Baysal, Chag‘lar Ertug‘rul va Alp Navro‘z ijro etgan. Serial qahramonlari o‘rtasidagi sevgi uchburchagi eng ko‘p muhokama qilingan mavzuga aylandi. Serial so‘ngida esa go‘zal Xazan (Deniz Baysal) Yag‘izni (Chag‘lar Ertug‘rul) tanladi.

Muxlislar Denis va Chag‘larni boshqa filmlarda ham birgalikda ko‘rishga astoydil umid qilishgan, shekilli, 2021-yilda ularning aktyorlik duetlari “Razvedka” filmida yana davom etadigan bo‘ldi. Natijada mazkur juftlik yana bir bor loyiha muvaffaqiyatini ta’minladi.

Halit Ergench va Nur Fettaho‘g‘lu

“Muhtasham yuz yil” — Sulton Sulaymon hukmronligi haqida hikoya qiluvchi Turkiyaning eng mashhur teleseriallaridan biriga aylandi. Serialning eng yorqin juftliklaridan biri — sulton Sulaymon (Halit Ergench) va Mohidavron (Nur Fettaho‘g‘lu). Sulton go‘zal Mohidavronning unga bo‘lgan muhabbatini rad etgani uchun aksariyat tomoshabinlar hali ham malikaga achinadi.

2020-yilda ushbu yulduzli juftlik muhabbat hikoyasi — “Vavilon” serialida yana birgalikda rol ijro etdi.

Jan Yaman va Ozge Gurel

“To‘lin oy” — hozirgi vaqtdagi eng yaxshi romantik komediyalardan biri. Seriyadagi asosiy rollarni Jan Yaman va Ozge Gurel ijro etgan.

2020-yilda Jan va Ozge juftligi yangi “Janob Xato” filmi uchun bosh rollarga tasdiqlangan edi. Afsuski, mazkur loyihada ular avvalgi muvaffaqiyatlariga erisha olmadi.

Engin Akyurek va Tuba Buyukustun

“Gul va pul” — bu allaqachon televideniye klassikasiga aylangan turk seriali hisoblanadi. Kelishgan Engin Akyurek va go‘zal Tuba Buyukustunning aktyorlik mahorati tufayli ushbu serial noodatiy va unutilmas filmga aylangan.

Yaqinda bu juftlik “Elchining qizi” serialida ham birgalikda rol ijro etdi. Ammo shunday mashhur aktyorlar ham serialni past reytingdan qutqarib qololmadi.