Суратда омадсиз чиқиш ташқи кўринишдаги камчилик эмас, қандай кўринишингизни билмаслигингиз билан боғлиқ бўлиши мумкин.
Модель Кара Делевин каби суратга жиддий тушинг
Ҳар доим ҳам табассум билан тушилган суратлар муваффақиятли чиқавермайди. Кулганда юздаги мимик ажинлар кўзга ташланади, кўзлар кичкина кўринади. Иржайиб тушган суратингиздан кўнглингиз тўлмаса, бироз қошларни чимириб тушинг.
Крисси сингари табассум қилинг
Тишларни кўрсатмасдан, қошларни бироз тепага кўтариб табассум қилиш Тейгенга хос. Бунда пешонага ажин тушмайди, бурун ва оғиз атрофидаги бурмалар ҳам яққол кўзга ташланмайди. Бундай вариант юзининг шакли думалоқ бўлган, яноқлари катта қизлар учун айни муддао.
Сочларингизни Бейонсе сингари ён тарафга туширинг
Юзнинг икки тарафидан олинган сурат турли чиқиши, бири омадли бири омадсиз бўлиши мумкин. Бундай вақтда сочларни камчилик бор қисмга ташлаш, очиқ қолдириш орқали эса афзалликка урғу бериш керак.
Жижи сингари қараб тушинг суратга
Бошни елкадан ортга қаратиб суратга тушиш юз ва қоматнинг афзал тарафига урғу бериш учун айни муддао. Бу борада Жижидан илҳомланишингиз мумкин.
Риз сингари қўлларингизни кўтаринг
Барча эътибор юзга қаратилмаслиги учун бу усул яхши самара беради. Қўлингизни кўтаринг, сумкадан нарса олмоқчидек бўлинг ёки бўйнингиздаги рўмолчани тўғрилагандек кўрининг. Эмоциялар суратни омадли чиқишига ҳисса қўшади.
Қўлларингизни Кендаллдек тутинг
Қўлларни турли баландликда жойлаштириш орқали ортиқча ҳажмни яшириш ёки қоматга урғу бериш мумкин.
Оёқларни Алекса сингари чалиштиринг
Оёқларни бундай жойлаштиришнинг ўзи билан бўй баландроқ, қомат эса ихчамроқ кўриниши мумкин. Бунинг учун камера қаршисига оёқларни чалиштириб, қўлларни белга қўйишнинг ўзи кифоя.
Изоҳ (0)