Пойтахтнинг Миробод туманида, 8 гектар ер майдонида янги британча услубдаги Greenwich турар жой мажмуаси барпо қилинмоқда. Унинг ҳудудида 15 та 8 қаватли бизнес ва комфорт тоифасидаги турар ва нотурар жойлар бўлади. Улар биргаликда такрорланмас кўринишга эга замонавий ва қулай квартални вужудга келтиради.
Greenwich’да 47 квадрат метрдан 221 квадрат метргача бўлган, турли майдонга эга 1342 та хонадон бўлиб, 30 дан зиёд турдаги тарҳлар (режалар) мижозларга ўзи учун энг мақбул ва мос вариантни танлаш имконини беради. Ҳар бир хонадонга Италияда ишлаб чиқарилган иситиш қозони ўрнатилади, Туркиянинг сантехника ускуналари ва қувурлари ишлатилади.
Хоналар ва уларнинг жойлашуви турлича бўлишига қарамай, уларни бир нарса бирлаштириб туради: барча ошхона ва заллар деразалари йўл юзига қараган, кенг ва ёруғ ётоқхоналар эса ҳовлига. Ёпиқ ҳовли концепцияси сокин, ободонлаштирилган ҳовлида болалар бемалол ўйнай олишини кўзда тутади. Бу ерда ортиқча машиналар ва бегона кимсалар бўлмайди.
Бундан ташқари, Greenwich мажмуаси қулай бўлиши билан бир қаторда, атрофдаги одатий қурилиш объектларидан ажралиб туради. Лойиҳа бўйича мажмуа бинолари анъанавий Британия меъморчилиги услубида қурилган, бурчакдаги кириш қисмлари эса ўзгача дизайн ва соатли бинолари билан эътиборни тортади. Соатлар Буюк Британиядаги Вестминстер саройи биноси ва ундаги Биг-Бен соатига ҳурмат ифодаси ўлароқ хизмат қилади.
Мажмуа рангларида оқ ва қизғиш туслар ажралиб туради: терилган қизил ғиштлар ён ҳошиялар ва дераза атрофларидаги оқ ранг билан уйғунлашган. Бинонинг ичи ҳам ниҳоятда гўзал расмийлаштирилган ва халқаро стандартларга мос келади. Бинога сифатли пардозлаш материаллари ишлатилган, ҳар бир кириш қисмида эса Hyundai (Корея) компаниясидан тезкор ва мустаҳкам лифтлар ўрнатилган.
Турар жой мажмуаси қурилишида ишончли ва юқори сифатли хомашёлардан фойдаланилган. Мустаҳкамлик даражаси оширилган оғир бетон энг юқори юкланиш таъсир этиладиган конструкциялар қурилишида ишлатилади. Одатда ундан кўп қаватли бинолар фундаментлари, устун ва тўсинлари, темирбетонли плита бостирмалари қуйилади. Темирбетонли конструкциялар асоси — 10 миллиметрдан 25 миллиметргача бўлган арматура. У конструкцияларнинг механик ва атмосфер таъсирига бўлган турғунлигини оширади, аммо шу билан бирга у қайишқоқ, мустаҳкам пайвандланади ва оксидланишга барқарор.
Ташқи тарафдан бинолар ғишт билан қопланган. Икки ғишт қалинлигидаги фасад қишда иссиқликни ва ёзда салқин ҳавони сақлаб туради. Ушбу материал намликка, ҳарорат ва фасл ўзгаришига чидамли. Ғишт замбуруғлар, моғор, кемирувчи ва ҳашаротлардан «қўрқмайди». Бундай уйлар товушдан яхши ҳимояланган, узоқ муддатли хизмати ва экологик тозалиги билан ажралиб туради. Мажмуа биноларини янада истиш учун Knauf (Германия) ва Технониколь (Россия) иситкичлари қўлланган. Декоратив ечимлар ҳам алоҳида эътиборга лойиқ — элементлар табиий гранит ва фибробетондан, декоратив фасад тўсиқлари эса металлдан ишланган.
Greenwich ТЖМнинг кўплаб бўлғуси мижозлари илтимосларига кўра, Golden House мажмуадаги яна бир бинони комфорт тоифасида барпо қилмоқда. Комфорт тоифасидаги уйларда хонадонлар тўлиқ таъмирланган ҳолда тақдим этилади. Бундай хонадонлар харидорлар орасида катта талабга эга ва иссиққина нонлар каби тезда сотилиб кетади.
Бугунги кунда мажмуанинг қурилиш ва кўкаламзорлаштириш ишлари якунланиш босқичига яқинлашиб қолди ва яқин орада янги уйлар ўзларининг биринчи эгаларини қабул қилиб олади. Мижозларда хонадонларни муддатли тўлов ёки ипотека асосида харид қилиш имконияти мавжуд. Бу ҳақда батафсил https://greenwich.uz/ сайти ёки +99878 150 11 11 телефон рақами орқали билиб олишингиз мумкин.
Call-марказ: +99878 150 11 11
Greenwich савдо офиси: Миробод тумани, Янгизамон ва Сайхун кўчалари кесишмаси
Мўлжал: Фурқат номидаги маданият ва истироҳат боғи
Веб-сайт: greenwich.uz
Facebook: fb.com/greenwichuz
Instagram: goldenhouseuz
Telegram: t.me/goldenhouseuz
Реклама ҳуқуқи асосида.
Изоҳ (0)