Кийим-кечакни тўғри танлаш орқали бўй аслидагидан баландроқ, қомат эса ихчамроқ кўриниши мумкин.
Оч рангли учли туфли
Ипак матосидан тикилган юбка, бойфренд шим ёки бошқа қандай кийим бўлишидан қатъи назар, бундай туфли билан оёқларингиз узун, ўзингиз эса сарвқомат кўринасиз.
«Разрез»ли юбка ёки кўйлак
Мини, миди ёки макси узунлигидаги «разрез»ли юбкалар оёқларни узун, бўйни эса аслидан баландроқ кўрсатади.
Бошдан оёқ бир рангда кийиниш
Total look нафақат замонавий тренд, балки ихчамроқ кўринишга ҳисса қўшадиган услуб ҳам саналади. Образи зерикарли бўлишдан қўрқадиганларга бир рангнинг турли оч ва тўқ даражадагисини танлаш тавсия қилинади.
Кенг жинси ва шим
Кенг бичимли шимлар нафақат бўйни баланд, балки қоматни ҳам ихчам кўрсатади. Уни устки кийим ва пойабзал билан мослашнинг ўзи кифоя.
Калта юбка
Калта юбка бўйи баланд бўлмаган озғин қизларга ярашади ва уларнинг бўйини баландроқ кўрсатади.
Таг қисми қалин бўлган оёқ кийимлар
Баландроқ кўриниш учун пошна кийишга ҳожат йўқ. Паст, аммо етарлича қалин оёқ кийим танлашнинг ўзи билан ҳам кўнгилдагидек натижага эришса бўлади.
Ноодатий бичим
Сарвқомат кўриниш учун олд қисми V шаклида очиқ ва елка қисми очиқ топ кийиш тавсия қилинади.
Учли туфи
Пошнасиз бўлса ҳам учли туфли моделларига эътибор қаратганингиз яхши.
Бел қисми баланд юбка
Юбка, шим ёки бел қисми баланд бўлган жинсилар оёқларни узун, белни ихчам кўрсатади.
Изоҳ (0)