Kiyim-kechakni to‘g‘ri tanlash orqali bo‘y aslidagidan balandroq, qomat esa ixchamroq ko‘rinishi mumkin.
Och rangli uchli tufli
Ipak matosidan tikilgan yubka, boyfrend shim yoki boshqa qanday kiyim bo‘lishidan qat’i nazar, bunday tufli bilan oyoqlaringiz uzun, o‘zingiz esa sarvqomat ko‘rinasiz.
“Razrez”li yubka yoki ko‘ylak
Mini, midi yoki maksi uzunligidagi “razrez”li yubkalar oyoqlarni uzun, bo‘yni esa aslidan balandroq ko‘rsatadi.
Boshdan oyoq bir rangda kiyinish
Total look nafaqat zamonaviy trend, balki ixchamroq ko‘rinishga hissa qo‘shadigan uslub ham sanaladi. Obrazi zerikarli bo‘lishdan qo‘rqadiganlarga bir rangning turli och va to‘q darajadagisini tanlash tavsiya qilinadi.
Keng jinsi va shim
Keng bichimli shimlar nafaqat bo‘yni baland, balki qomatni ham ixcham ko‘rsatadi. Uni ustki kiyim va poyabzal bilan moslashning o‘zi kifoya.
Kalta yubka
Kalta yubka bo‘yi baland bo‘lmagan ozg‘in qizlarga yarashadi va ularning bo‘yini balandroq ko‘rsatadi.
Tag qismi qalin bo‘lgan oyoq kiyimlar
Balandroq ko‘rinish uchun poshna kiyishga hojat yo‘q. Past, ammo yetarlicha qalin oyoq kiyim tanlashning o‘zi bilan ham ko‘ngildagidek natijaga erishsa bo‘ladi.
Noodatiy bichim
Sarvqomat ko‘rinish uchun old qismi V shaklida ochiq va yelka qismi ochiq top kiyish tavsiya qilinadi.
Uchli tufi
Poshnasiz bo‘lsa ham uchli tufli modellariga e’tibor qaratganingiz yaxshi.
Bel qismi baland yubka
Yubka, shim yoki bel qismi baland bo‘lgan jinsilar oyoqlarni uzun, belni ixcham ko‘rsatadi.
Izoh (0)