Қонда қанд миқдорининг меъёрида бўлиши саломатлик ва умр кўриш давомийлигига таъсир кўрсатадиган энг муҳим параметрлардан биридир. Чиндан ҳам инсон ўзига ғамхўрлик қилишни истаса, энг аввало, глюкоза миқдорини оширмасликка ҳаракат қилиши лозим. Қуйида бир неча оддий қоидалар қанд миқдорининг меъёрий ҳолатини ушлаб туришга ёрдам беради.
Уйда таомланиш
100 мингга яқин эркак ва аёл саломатлиги ҳамда овқатланиш одатларига оид олиб борилган тадқиқотлар ҳайратланарли натижани кўрсатди. Иш ҳафтасида уйда камида икки марта уйда тайёрланган таом истеъмол қиладиган кўнгиллилар қандли диабет ривожланишининг хавфини 13 фоизга камайтиради. Тадқиқот муаллифи ушбу натижани нафақат уйда пиширилган таом, балки оилавий овқатланиш ёки ёлғиз кечки овқат, хотиржамлик – кун давомида тўпланган стрессни енгиллаштиришга ёрдам беришини аниқлади.
Ҳафтасига камида ярим соат спорт билан шуғулланиш
Югуриш ёки сузиш каби аэробик машқлар қонда шакар миқдорини соғлом сақлашга ёрдам беради. Агар шакарни меъёрий ҳолга келтириш керак бўлса, шифокорлар енгил фаоллик ва эгилиш, ўпкадан нафас олиш ёки сакраш каби қисқа интенсив машқларни ўз ичига олган машғулотларни тавсия этади.
Оч қоринга углевод истеъмол қилиш мумкин эмас
Қаҳва ва ширинлик мазали, албатта. Аммо қонда қанд миқдоридан хавотирда бўлганлар бу каби нонуштадан воз кечгани маъқул. Куннинг биринчи қисмида гормонал юк даражаси юқори бўлади ва у танани ишга туширади. Натижада қанд миқдори ортади. Бундай вақтда қўшимча инсулиннинг кераги йўқ. Шунчаки, тухум, шакарсиз йогурт ёки донли нон маҳсулотлари нонушта учун фойдали ҳисобланади.
Кўпроқ клетчаткага бой маҳсулот истеъмол қилиш
Таркибида кўп миқдорда клетчатка бўлган маҳсулотлар шакарнинг сўрилишини сусайтиради ва шунинг учун ҳам уларнинг кўпайиб кетишига йўл қўймайди. Бунинг учун энг яхши танлов сабзавот ва мевалардир, шунингдек, ёнғоқ ҳам жуда фойдали. Яхшиси, кунига бир неча дона сабзавот истеъмол қилиш қонда қанд миқдорини меъёрида сақлашга ёрдам беради.
Стрессдан халос бўлиш лозим
Стресс вақтида кескин кўтарилиб кетадиган кортизол гормони эндокрин тизими учун жуда хавфлидир. Унинг доимий таъсири остида ҳужайралар инсулин қаршилигини ўзгартириши ва қанд касали ривожланишига олиб келиши мумкин. Шундан сўнг стресснинг давомийлиги узаяди. Бунинг учун стрессни енгиллаштирадиган ва унинг оқибатларини минималлаштирадиган усулларни ҳар ким ўзи учун ишлаб чиқиши керак. Масалан, ёга, медитация, сузиш, табиат қўйнида сайр, ижодий машғулот кабилар. Буларнинг ичидан ҳеч бўлмаганда биттасини танлаш ва ҳар куни бунинг учун вақт ажратиш лозим.
Мева шарбатларидан тийилиш
Янги узилган мева ва смузилар соғлиқ учун фойдали ва хавфсиздир. Ҳатто қанд миқдори бироз юқори бўлса ҳам. Аммо мевалардан тайёрланган шарбатлар чинакамига соғлиқ учун душманлик қилиши мумкин. Шарбатлар – соф мевали шакар бўлиб, у дарҳол қонга сингиб кетади ва инсулиннинг тез суръатда ўсишига олиб келади. Бу эса ўз-ўзидан қандли диабетнинг ривожланиш хавфини кучайтиради.
Ҳар уч соатда таомланиш
Очлик ҳам ортиқча овқатланиш каби хавфли бўлиб, қанд миқдори учун ҳам зарарли ҳисобланади. Узоқ вақт давомида тана озуқасиз қолса, қанд миқдори меъёридан пастроқ даражада бўлади. Сўнгра бирдан тўйиб овқатланиш билан унинг даражаси кескин ортади. Натижада инсулиннинг мувозанати ўзгаради. Бунга йўл қўймаслик учун ҳар 3-4 соатда овқатланиш зарур. Шунингдек, бу одат вазнни меъёрда сақлашга ҳам ёрдам беради.
Изоҳ (0)