Касалликни даволагандан унинг олдини олган яхши. Айнан шу сабаб ҳам организмдаги айрим ўзгаришлар кузатилганда шифокорга мурожаат қилиш керак. Бироқ баъзида пайдо бўлган симптомлар жиддий касалликларга хос бўлмаслиги мумкин.
Кўкрак соҳасида оғриқ
Кўпчилик кўкрак соҳасида пайдо бўлган оғриқни юрак хуружи туфайли деб ўйлайди. Аммо бошқа симптомлар кузатилмаса, бемор ёш ва унда бошқа юрак касалликлари бўлмаса, бу унчалик хавфли бўлмайди. Аксарият ҳолларда бу жиғилдон қайнаши, стресс ва асаб, ҳатто қаттиқ жисмоний зўриқиш оқибатида ҳам кузатилиши мумкин. Оғриқ бир неча кун давом этадиган бўлса, шифокорга текширтириб кўринг.
Юрак уришининг жадаллашиши
Ушбу симптом ҳам ҳар доим ҳам юрак касалликлари билан алоқадор бўлавермайди. Тахикардия стресс, сувсизланиш ва уйқу етишмаслиги ҳатто кофеин миқдорининг ошиб кетганидан дарак бериши мумкин. Аммо юракнинг тез уриши нафас қисиши билан бирга кузатиладиган бўлса, шифокорга мурожаат қилиш керак.
Қўл қалтираши
Паркинсон касаллигига хос энг кўп тарқалган симптомлардан бири эканига қарамай, бу соғлиқдаги бошқа аломатлардан ҳам дарак бериши мумкин. Қондаги қанд миқдорининг кам бўлиши ёки қалқонсимон без фаолиятидаги муаммолар, шунингдек, кофеинни меъёридан ортиқ истеъмол қилиш ҳам қўлнинг қалтирашига сабаб бўлиши мумкин. Агар ушбу симптом ҳаракатларнинг секинлашиши, диққат қилишнинг ёмонлашиши ва хотира сусайиши билан намоён бўладиган бўлса, мутахассисга боришни унутманг.
Хотира билан боғлиқ муаммолар
Хотира билан боғлиқ муаммолар ҳар доим ҳам деменсия туфайли кузатилмаслиги бунга баъзида стресс ҳам сабаб бўлиши мумкин. Аҳамиятли нарсалар, масалан, уйга доимий бориш йўли, яқин кишилар қиёфасини унутиш эса жиддий хавотирга сабаб бўлади.
Ҳайз циклининг бузилиши
Ушбу ҳолатга ҳомиладорликдан ташқари, стресс, жисмоний зўриқиш ва тўсатдан вазн йўқотиш ҳам сабаб бўлиши мумкин. Аммо бу уч ойга чўзиладиган бўлса, шифокорга мурожаат қилиш лозим.
Суякларда ғичирлаш
Агар оғриқ билан кузатилмаса, хавотирланишга ҳожат йўқ. Бу бўғинларда ҳаво тўпланиши билан ҳам боғлиқ бўлиши мумкин. Бундай вазиятда махсус жисмоний машқлар бажариш, иссиқ компресс қилиш тавсия қилинади. Дискомфорт ва оғиз билан бирга кузатилса, артритнинг олдини олиш учун эртароқ даво чораларини кўриш лозим.
Изоҳ (0)