Бугун,

  • USD 10940.05
  • RUB 182.26
  • EUR 11121.65

Андижон вилояти Марҳамат туманида танишининг суратини «50 000 сўм эвазига фоҳишалик билан шуғулланади» ёзуви билан тарқатиб юборган 25 ёшли қиз ушланди, дея хабар қилмоқда Тергов департаменти.

Фото: Тергов департаменти

Фото: Тергов департаменти

Қайд этилишича, 25 ёшли Н.Т. Ички ишлар бошқармасига ариза билан мурожаат қилиб, бу ҳақда маълум қилган. Унинг аризасига асосан, таниши 25 ёшли М.Т. унинг сурати устига «Назокат 50 000 сўм эвазига фоҳишалик билан шуғулланади» деган мазмунда ёзув, телефон рақами кўрсатилган суратни Telegram ижтимоий тармоғининг 1200 нафар обуначиси бўлган гуруҳга жойлаб, тарқатиб юборган.

Мазкур ҳолат юзасидан Марҳамат тумани ИИБ ҳузуридаги Тергов бўлими томонидан М.Т.га нисбатан Жиноят кодексининг 139-моддаси 3-қисми «г» банди (туҳмат, яъни ғаразгўйлик ёки бошқа паст ниятларда била туриб шахсни шарманда қиладиган уйдирмалар тарқатиш) билан жиноят иши қўзғатилиб, айб эълон қилинган. Ҳозирда ушбу жиноят иши тегишли тартибда туман судига юборилган.

Гумонланувчи юқоридаги модда билан айбдор деб топилса, БҲМнинг уч юз бараваридан беш юз бараваригача миқдорда жарима ёки уч юз олтмиш соатдан тўрт юз соатгача мажбурий жамоат ишлари ёхуд бир йилдан уч йилгача озодликни чеклаш билан жазоланади.

Бундан аввал Бекободлик аёлнинг эски Telegram аккаунтидаги шахсий расмларини интернетда тарқатиб юбормаслик учун ундан 5 млн сўм сўраган 15 ёшли қиз ушлангани, Хоразмда аёлнинг шахсий видеотасвирларни қариндошларига кўрсатиш билан қўрқитиб, ундан 1,5 минг доллар ва телефон талаб қилган йигит қўлга олингани ҳамда Тошкентда қизи ва йигит ўртасидаги муносабатларни сир сақлаш учун йигитнинг отасидан пул талаб қилган аёлга жиноят иши қўзғатилгани ҳақида хабар берилганди.

Изоҳ
Асосий янгиликлар