Диана, Маркл, Миддлтон ва бошқа шаҳзодаларнинг рафиқалари болалигида қандай кўринишда бўлган? (фото)

Буюк Британия меросхўрларининг рафиқалари ёшлигида ҳам фаол эди. Кейинчалик уларнинг тақдири сарой томон йўл олган.

Малика Диана

Уильям ва Гаррининг онаси қироллик оиласининг севимли макони бўлган Норфолк графлигининг Сандрингем шаҳрида туғилган. Диана 8 ёшга тўлганида ота-онаси ажрашган. Шундан сўнг у отаси, сингиллари ва укаси билан қолган. Энага Мери Кларкнинг сўзларига кўра, Диана Норфолкдаги пляжга боришни, кўргазмаларга ташриф буюришни ва дўсти Аннабел Фокс билан ўйнашни яхши кўрган.

Кейт Миддлтон

Кембриж герцогиняси Беркшир графлигидаги Рединг шаҳрида туғилиб ўсган. Кейт икки ёшлигида унинг ота-онаси Иорданияга кўчиб ўтган, сабаби отаси Майклнинг иши ўша ерда эди. Миддлтонлар Амманда икки йил яшаб, Англияга қайтиб келади. Улар ўз юртида зиёфатлар учун зарур буюмлар сотадиган Party Pieces компаниясини ташкил этади. Муваффақиятли бизнес Кейтнинг оиласини миллионерга айлантиради. Бироқ уларнинг табиати ва оддий нарсаларга бўлган муҳаббати ўзгаришсиз қолди.

Меган Маркл

Шаҳзода Гаррининг рафиқаси Лос-Анжелесда туғилган. Унинг онаси Дория телевиденияда, отаси Томас эса оператор-режиссёр бўлиб ишлаган. Меганнинг оиласи доимо пулга муҳтож бўлган. Шунинг учун ҳам собиқ актриса дунёга келиши билан онаси дарҳол ишлашни бошлаган. Меганни эса она томондан бувиси Жаннет тарбия қилган. У болалагида йога билан шуғулланган ва кучли аёл қарашларини ривожлантирган.

Камилла Паркер-Боулз

Кейинчалик шаҳзода Чарльзнинг рафиқаси бўлган Камилла аслзодалар оиласига мансуб. У Лондонда туғилган, лекин кўпроқ Сассексдаги ҳашаматли уйда яшаган. Камилла ота-онасининг уйи ҳозирда икки миллион долларга баҳоланмоқда. Бўлажак герцогинянинг отаси Буюк Британия армияси майори билан яқин бўлган, бўш вақтларида у қизини тулки овига олиб борар эди.

Сара Фергюсон

Малика Беатрис ва Евгениянинг онаси Лондонда, майор Рональд Фергюсон оиласида туғилган. Ота-онаси ажрашганидан сўнг, Сара отаси билан Хемпшир графлигининг Даммер шаҳрида яшаган. Сара уй ҳайвонларини яхши кўрар эди. Ҳаттоки от минишга қизиққанидан бир неча мусобақаларда ғолибликни ҳам қўлга киритган. Аммо келажакда ноширликни танлаган.