Instagram: Зарина Низомиддиновага аталган «миллионта атиргул», даволанаётган Шерали Жўраев, ўзбек хонандаси билан дуэт куйлаган Николай Басков

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Шаҳзода фолловерларига бугунги кун билан яшаш ҳақида пост ёзиб қолдирди.

Ижтимоий тармоқларда тўйлардан бирида Севара Назархон Луиза Расулова билан бирга «Улуғимсан, Ватаним» қўшиғини бирга куйлаётгани акс этган видео тарқалмоқда.

Актриса Баҳора Арслонова варрак учириш учун Чимёнга борди.

Шаҳзода Муҳаммедова турмуш ўртоғи билан тушган сурати изоҳига омад ҳақида мушоҳада юритди.

29 март куни айни пайтда оиласи билан Россияда яшаётган актриса Зарина Низомиддинова туғилган кунини нишонламоқда. Актрисага турмуш ўртоғи юзлаб атиргуллардан иборат улкан гулдаста совға қилди.

Актриса ушбу гулдастанинг унга етказилиш жараёни видеосини саҳифасига жойлади. Заринанинг фолловерлари гулдастанинг машҳур қўшиқдаги «миллионта атиргуллар» эканлигини ёзиб қолдирмоқда.

Турк актёри Бурак Ўзчивит фолловерларига янги суратини тақдим этди.

Айшвария Рай ва Абҳишек Баччан жуфтлиги Ҳоли байрамини нишонламоқда.

Шоҳжаҳон Жўраевнинг мухлисларидан бири унинг саҳифасида отасининг аҳволи ҳақида сўради. Хонанданинг ёрдамчиси саҳифани Шоҳжаҳоннинг ўзи юритмаслиги ҳамда Шерали Жўраев айни дамда даволанишда эканлигини маълум қилди. Маълумот учун, бир оз аввал Шерали Жўраевнинг оғир бетоб эканлиги, унинг Туркияда даволанаётгани ҳақида миш-мишлар тарқалган, бироқ ҳофизнинг ўғли Зоҳиршоҳ бу гап-сўзларни рад этиб, отасининг аҳволи яхши эканлигини айтган эди.

«Россиянинг олтин овози» — Николай Басков Humo Arena’да бўлиб ўтган концертида Милена Мадмусаева билан дуэт ижро этди.

Ижтимоий тармоқларда Муниса Ризаеванинг дубайлик мухлиси унга севги изҳор этгани акс этган видео тарқалмоқда.