Машҳурлар баъзида Instagram’га жойлаган суратларини ўчиришга мажбур бўлиши ёки фотографлар билан судлашишига тўғри келиши ҳам мумкин.
Белла Ҳадид
2019 йилнинг сентябрь ойида супермодель Tommy Hilfiger’нинг Зендая билан ҳамкорликда тақдим қилган оқ-қора кепкасида тушган фото билан бўлишган. Шундан кейин фотограф Тимур Мишиев муаллифлик ҳуқуқини бузгани учун Беллани Манхэттеннинг федерал судига берган.
Ким Кардашьян
2018 йилда Ким Канье билан бирга тушган суратини ижтимоий тармоққа жойлаган. Унга 2,2 миллион лайк босилган. Фотограф Саид Болден эълон қилишга рухсат сўралмагани учун Кимдан қаттиқ аччиқланган. Шундан кейин суратдан тушадиган даромад ва маънавий зарар қопланишни талаб қилган. Ҳайратда қолган Ким ўз фотографини ишга солган ва мухлисларига фотоагентлик логотипи туширилган суратлардан бошқа барча фотолар билан бўлишишга рухсат берган.
Лиам Хемсворт
2018 йилда Майли Сайруснинг собиқ турмуш ўртоғи «Романтик эмасми?» номли фильмни суратга олиш майдончасидаги фото билан бўлишиб, промосайтни манба қилиб кўрсатган. Муаллифлик ҳуқуқини бузган деб ҳисоблаган Splash and Photos Agency агентлиги эса ундан 150 минг доллар талаб қилган.
Эмили Ратаковски
Модель Instagram stories’ига рухсатсиз сурат қўйгани сабаб фотограф Роберт O’нил томонидан судга берилган. Роберт Эмилидан 150 минг доллар ва фотодан тушадиган даромадни талаб қилган. Худди шу ҳолат модель Жижи Ҳадид билан ҳам юз берган.
Жастин Бибер
Хонанда Instagram саҳифасида фотограф Ричард Барбер томонидан олинган фото билан бўлишган. Ричард Жастинни судга берган, аммо Бибер суратлар аллақачон ўчирилганини маълум қилган. Барбер фотоларни берухсат жойлагани учун Ариана Грандедан ҳам хафа бўлган.
Женнифер Лопес
Лопес Алекс Родригес билан тушган сурати билан бўлишганидан кейин Splash and Photos Agency агентлиги юқоридаги сингари муаллифни кўрсатмагани сабаб ундан 150 минг доллар талаб қилган.
Жессика Симпсон
Модель Нью-Йоркдаги Bowery меҳмонхонасидан чиқишда олинган суратини жойлаган. Шундан кейин Splash агентлиги эътироз билдирган. Аммо Жессика бошқалардан фарқли ўлароқ муаммога тинчлик йўли билан ечим топган.
Изоҳ (0)