Жуфтликлар ажрашганидан кейин фарзанднинг отаси алимент тўлаши янгилик эмас. Аммо оталарнинг турмуш ўртоғидан пул ундирмоқчи бўлиши кўпчилик учун ноодатий ҳол саналади.
Холли Берри
Расмий турмуш қурмаганига қарамай Габриэль Обри Холлининг қизини отаси бўлган. Аммо муносабатларига нуқта қўйганидан кейин Обри хонандадан 16 минг доллар миқдорда алимент талаб қилган. Обри қизи бутун вақтини у билан ўтказгани ва пул тиббий суғурта ва ўқишига кераклигини баҳона қилган. Қизининг 19 ёшигача алимент тўланишини билганидан кейин Габриэль ишини ҳам ташлаган. Катта миқдорда алимент тўлашдан чарчаган Холли суд орқали уни камайтиришга бир эмас, бир неча марта ҳаракат қилган. 2021 йилга келибгина алимент миқдорини икки баробарга камайтиришга муваффақ бўлган.
Меган Фокс
«Трансформер» юлдузи ва унинг турмуш ўртоғи Брайан Остиннинг ажрашиши ҳақида 2015 йилда маълумот тарқалган. Актёр бу вазиятда рафиқасидан молиявий ёрдам истаган. Аммо ҳужжатларни расмийлаштириш ишлари кетаётганда актрисанинг ҳомиладорлиги маълум бўлиб қолган. 2020 йилда Меганнинг рэпер Мачине Гун Келлй билан ишқий муносабатда эканлиги маълум бўлганидан кейин, жуфтликнинг ажрашиши аниқ бўлган. Брайан фарзандларига васийлик қилиш ва Мегандан пул ундиришга киришган.
Морена Баккарин
Морена Бен Маккензидан аввал режиссёр Остин Чик билан турмуш қурган. Фарзандли бўлганидан кейин 2016 йилда муносабатларига нуқта қўйган. Ажрашиш жараёнида актриса Бендан ҳомиладор бўлган. Рафиқасини хиёнатини рўкач қилиб кўрсатган Остин фарзандига васийлик қилиш ва алимент талаб қилган. Шундан кейин Морена собиқ турмуш ўртоғига ойига 20 минг доллардан алимент тўлашига тўғри келган.
Скарлетт Йоханссон
Ҳаёти давомида бир қанча йигитлар билан учрашиб юрган актриса Райан Рейнольдс билан турмуш қурган. 2010 йилда ажрашганидан кейин 2014 йилда журналист Ромен Дориак билан оила қурган. Қизлик бўлганидан кейин муносабатларига нуқта қўйган. Скарлеттнинг фарзандига қарашга вақти йўқлигини баҳона қилган Дориак васийлик ва алимент талаб қилган. Даъво Ромен ҳисобига ҳал бўлмаган.
Бритни Спирс
Хонанда билан ажрашаётган Кевин Федерлайн фарзандларига васийлик қилиш, бир вақтнинг ўзида миллион доллар ва ойига 20 минг доллар тўлашни талаб қилган. Кейинчалик фарзандларини катта қилиш ҳуқуқига эга бўлганига қарамай Бритнининг ўзи ҳам айни вақтда отасининг васийлиги остида.
Мел Би
Қўл кўтаргани сабаб Мел Би Стивен Беллафонте билан ажрашишига тўғри келган. Суд Стивенга яқин келишни тақиқлаш билан бирга, унинг турар жойи ва ейишга нони йўқлигига қарамай фарзанд катта қилиши керак бўлгани учун ойига 40 минг доллар тўлаш ҳақида қарор чиқарган.
Мадонна
Мадонна ва Гай Ричининг муносабатлари ажрашишгача борганидан кейин, режиссёр хонандадан катта миқдорда пул талаб қилган. Матбуотда гап 90 миллион доллар ҳақида кетаётгани ҳақида таъкидланганига қарамай, аниқ сумма маълум қилинмаган. Бундан ташқари, жуфтлик болани ким билан қолиши масаласида ҳам узоқ судлашган. Бугунги кунда Рокка отаси билан бирга яшайди.
Изоҳ (0)