Аввалроқ Ким Кардашьян фарзандлари учун 60 миллион долларга ўйин майдони қурдиргани ҳақида хабар берилганди. Моделга ўхшаб фикрлайдиган ва шундай йўл тутадиган машҳурлар кўп, аммо бу шоу-бизнес, шунингдек, сайёрадаги бадавлат кишиларнинг барча вакиллари шундай деган хулоса қилишга сабаб бўлмайди. Уларнинг орасида фарзанди келажакда ҳамма нарсага ўз меҳнати ва интилиши ортидан эришиб, муваффақият қозонишини истовчи кишилар ҳам йўқ эмас.
Гордон Рамзи
Машҳур ошпаз ва рафиқасининг 5 нафар фарзанди бор. Жуфтлик уларга молиявий жиҳатдан қаттиққўл бўлишга ҳаракат қилади. Масалан, саёҳат вақтида ўзлари биринчи тоифада учса, фарзандлари улардан фарқли равишда эконом тоифада учади.
Стинг
Стингнинг вафотидан кейин фарзандларига деярли ҳеч қандай мерос қолмайди. Хонанда жигарбандларининг ўзи молиявий муваффақиятга эришиши ва оёққа туришини истайди.
Элтон Жон
Элтон Жон болаларини тайёрга айёр бўлиб ўсишини истамайди. У уларга эҳтиёжлари ва ўқиши учунгина керакли маблағ беришини билдирган.
Мила Кунис ва Эштон Кутчер
Юлдузли жуфтлик фарзандларини молиявий қўллаб-қувватламоқчи эмас. Вақти келганда улар борини хайрия жамғармасига ўтказишни истайди.
Жорж Лукас
Машҳур режиссёр ва 4 фарзанднинг отаси 2012 йилда продюсерлик компанияси ҳамда «Юлдузлар жанги»нинг барча ҳуқуқларини сотиб, тушган маблағнинг деярли ҳаммасини хайрия қилиб юборган.
Марк Цукерберг
Facebook асосчиси фарзандли бўлганидан кейин молиявий аҳволининг 99 фоизини хайрияга сарфлаб юборишини билдирган.
Билл Гейтс
Сайёранинг энг бадавлат кишиларидан бири бўлган Билл Гейтс ҳам бор-йўғини фарзандларига қолдирмоқчи эмас. У пулларини хайрия лойиҳалари учун сарфлайди.
Изоҳ (0)